Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Dec 27, 2022 12:13 pm views : 415

Location : Different places

Islamabad- Political uncertainty to impact economic stability in 2022

سال 2022 پاکستانی معیشت کیلئے بہت مشکل رہا، مہنگائی اور بیروزگاری بڑھی ، 2022 میں اسٹاک مارکیٹ میں سرمایہ کاروں کے ہزار ارب ڈوب گئے ، پاکستانی معیشت کے لئے سال 2022 ڈراؤنا خواب ثابت ہوا

سال 2022 پاکستانی معیشت کیلئے بہت مشکل رہا، صنعتی پیداوار میں کمی ہوئی، بے روزگاری بڑھی اور مہنگائی عروج پر پہنچی۔
رواں برس جیسے ملک کے حالات خراب رہے، ویسے ہی اسٹاک مارکیٹ کی صورت حال بھی دگرگوں رہی، پاکستان اسٹاک مارکیٹ میں سرمایہ کاروں کے ہزار ارب ڈوب گئے۔کاروباری برادری سمجھتی ہے ملک میں سیاسی استحکام کے بغیر معاشی چیلنجز پر قابو نہیں پایا جا سکے گا۔
پاکستانی معیشت کے لئے سال 2022 ڈراؤنا خواب ثابت ہوا، زرمبادلہ کے زخائر 22 ارب 83 کروڑ ڈالر سے کم ہو کر 12 ارب ڈالر پر آگئے، مہنگائی کی شرح 26 فی صد تک پہنچ گئی، ڈالر کی قدر بڑھ کر 176 روپے سے بڑھ کر 224 روپے پر آگئی، ڈالر کی قلت اور اس کے مہنگا ہونے کی وجہ سے درآمدات پر پابندیاں لگائی گئی، نتیجتا صنعتی پیداوار میں کمی ہوگئی۔
مارچ میں نئی حکومت نے اقتدار سنبھالنے کے بعد سرمایہ کاروں کے اعتماد کو ایسی ٹھیس پہنچائی جو کبھی نہیں دیکھی گئی، ایک سال کے دوران صرف بیرونی سرمایہ کاروں نے ایک کروڑ 90 لاکھ ڈالر مالیت کے حصص فروخت کر ڈالے۔
جنوری 2022 کے آغاز پر انڈیکس 44 ہزار 596 پوائنٹس کی سطح پر تھا، مارکیٹ اب تک 4 ہزار پوائنٹس سے زائد نیچے آ گیا ہے، یعنی منافع کی آس میں بیٹھے سرمایہ کاروں کو 11 فی صد گھاٹا دیکھنے کو ملا۔
ماہرین کا کہنا ہے 2023 بھی سرمایہ کاروں کے لیے مشکل سال ہو سکتا ہے، واضح رہے کہ اسٹاک مارکیٹ کو معیشت کا آئینہ بھی کہا جاتا ہے۔
کاروباری طبقے کا کہنا ہے کہ سال 2022 تو جیسے تیسے گزر گیا لیکن سال 2023 میں معاشی استحکام لانے کے لئے تمام اسٹیک ہولڈرز کو ایک بیچ پر آنا ہوگا۔
کاروباری برادری سمجھتی ہے ملک میں سیاسی استحکام کے بغیر معاشی چیلنجز پر قابو نہیں پایا جا سکے گا۔