آزاد کشمیر میں بلدیات
انتخابات میں ہر جگہ ہم نے کامیابی حاصل کی ہے ، قمر زمان کائرہ کا کہنا ہے
کہ آزاد امیدواروں کا جیتنا ہم سب کےلئے لمحہ فکریہ ہے ، پاکستان کو
موجودہ حالات سے نکالنے کےلئے یکجہتی کی ضرورت ہے
وزیراعظم
کے مشیر برائے امور کشمیرو گلگت بلتستان قمرزمان کائرہ نے کہا کہ پاکستان
ہمیشہ اپنے کشمیری بھائیوں کے ساتھ کھڑا رہا ہے، کشمیرمیں زیر حراست قتل ،
خواتین کی عصمت دری، مسلسل کرفیو کے نفاذ، شہری علاقوں میں افواج کی
تعیناتی ، شہداکے جنازوں کی ادائیگی سے روکے جانے سمیت تمام اقدامات کے
باوجود کشمیری نہ کل دبے ہیں او ر نہ آئندہ دبیں گے،
وزیراعظم کے مشیر
برائے امور کشمیرو گلگت بلتستان قمر زمان کائرہ اور وفاقی وزیر برائے
انسانی حقوق ریاض حسین پیرزادہ نے عالمی برادری سے مطالبہ کیا ہے کہ وہ
کشمیر میں بھارت اور فلسطین میں اسرائیل کی انسانی حقوق کی سنگین خلاف
ورزیوں کا نوٹس لے ، عمران خان ڈیلی میل کی طرح شہبازشریف کی کردار کشی اور
پاکستان کے وقار کو نقصان پہنچانے پر قوم سے معافی مانگیں ، آزاد کشمیر
کے بلدیاتی انتخابا ت میں پیپلزپارٹی اور مسلم لیگ(ن) نے مجموعی طور پر پی
ٹی آئی سے زیادہ نشتیں حاصل کی ہیں، پاکستان کو موجودہ حالات سے نکالنے
کےلئے یکجہتی کی ضرورت ہے،کچھ ممالک مخالفین کے خلاف تشدد کو ہتھیار کے طور
پر استعمال کرتے ہیں ، پاکستان کشمیریوں کے ساتھ کھڑا ہے، وہ کشمیریوں کے
حوصلوں کو دبا نہیں سکتا۔ ان خیالات کا اظہار انہوں نے جمعہ کو اسلام آباد
میں پریس کانفرنس سے خطاب کرتے ہوئے کیا۔
ایک سوال کے جواب میں قمرزمان
کائرہ نے کہا کہ آزاد کشمیر میں بلدیات انتخابات میں مظفرآباد ، راولا
کوٹ کی میونسپل کارپوریشن سمیت ہر جگہ ہم نے کامیابی حاصل کی ہے، ڈسٹرکٹ
کونسل اور ٹائون کمیٹیوں میں بھی پیپلزپارٹی اورمسلم لیگ(ن) مل کرحکومت
بنائے گی، دوتہائی کے خواب دیکھنے والے جہاں ان کی حکومت اورپیسے لگائے گئے
وہاں پی ٹی آئی کو شکست ہوئی، آزاد امیدواروں کا جیتنا ہم سب کےلئے لمحہ
فکریہ ہے، یہ کامیابی برادریوں اورعصبیت کی بنیاد پر ہوئی ہے۔