Jun 30, 2022 04:46 pm
views : 393
Location : domestic place
Rawalpindi- even if Ishaq Dar calls Bill Gates, the country cannot go by him, says Shaikh Rashid
اسحاق ڈار توکیا بل گیٹس کو بھی بلالیں ملک ان سے نہیں چل سکتا، شیخ رشید نے کہا مقتدر حلقوں سے اپیل کرتا ہوں ملک کو سیاسی بحران سے نکالیں،آرٹیکل63اے کا فیصلہ تاریخی ہوگا اور نئی سیاست جنم لے گی
لاہور ہائی کورٹ کے فیصلے پر ردعمل کا اظہار کرتے ہوئے شیخ رشید نے کہا کہ پنجاب میں حکومت جانے کے بعد شہباز شریف مرکز میں بھی اکثریت کھوچکے، سیاسی بحران شدید ہوگیا ہے، اسی تناظرمیں جولائی بہت اہم مہینہ ہے، آرٹیکل63اے کا فیصلہ تاریخی ہوگا اور نئی سیاست جنم لے گی۔
عوامی مسلم لیگ کے سربراہ نے کہا کہ مجھے تو مرکز کی فکر ہے کیونکہ مرکز میں قالین انکے پاؤں کے نیچے سے کھینچاجارہاہے،پہلی بار مقتدر حلقوں سے اپیل کرتا ہوں کہ ان حالات میں کب تک انتظارکرینگے،ٹیکنو کریٹ سیٹ اپ لےآئیں جو نوے دن میں شفاف الیکشن کرائے، سب کو ٹیبل پر بٹھائیں اور اکتوبر میں الیکشن کا اعلان کرائیں، اگر ملک کو بچانا ہے تو جولائی میں الیکشن کا اعلان کرنا ہوگا ورنہ ملک بہہ جائیگا۔
شیخ رشید کا مزید کہنا تھا کہ ملک میں بحران ہی بحران ہے ،باپ بیٹے نے منحوس وقت میں حلف اٹھایا کہیں بھی سکون میسر نہیں، پاکستان میں گندم کی صورتحال بہت خراب ہے، خبردار کررہا ہوں کہ لوگ سڑکوں پر نکل آئے تو نظام پر جھاڑو پھرجائے گی۔