May 20, 2022 05:50 pm
views : 309
Location : domestic place
Islamabad- Talks with IMF in Doha, Pakistan plans to reduce petrol subsidy
اسلام آباد، آئی ایم ایف سے دوحہ میں مذاکرات، پاکستان نے پٹرول پر سبسڈی میں کمی کا پلان دیدیا، غیر ضروری اخراجات میں کمی کیلئے مختلف تجاویز پر گفتگو ہوئی
آئی ایم ایف سے دوحہ میں مذاکرات کے دوران پاکستان نے پٹرول پر سبسڈی میں کمی کا پلان دے دیا،اس دوران بجلی کے نقصانات کم کرنے پر بھی بات چیت کی گئی۔
پاکستان اور آئی ایم ایف کے درمیان دوحہ میں مذاکرات کے دوران پٹرول مرحلہ وار مہنگا کرنے کا پلان دیا گیا، ذرائع کے مطابق پٹرول کی سبسڈی کے غریب طبقات تک محدود کرنے کے لیے بھی تجاویز بھی پیش کی گئیں۔ مذاکرات کے دوران بجلی کے نقصانات کم کرنے پر بھی بات چیت ہوئی، بجلی مہنگی کرنے کے لیے مرحلہ وار طریقہ کار پر تبادلہ خیال بھی ہوا۔
حکومتی اور آئی ایم ایف وفد نے بجٹ اور کرنٹ اکاؤنٹ خسارہ کے ڈیٹا پر تفصیلی بات چیت کی، پاکستان نے آئی ایم ایف کو اخراجات میں کمی کے لیے پلان دیا ہے اور غیر ضروری اخراجات میں کمی کے لیے مختلف تجاویز پر گفتگو ہوئی، ترقیاتی بجٹ کی ترجیحات کا بھی جائزہ لیا گیا۔