وزیراعظم نے پشاور موڑ تا نیواسلام آباد ایئر پورٹ میٹرو بس کا افتتاح کردیا۔وزیراعظم شہباز شریف کا کہنا ہے کہ سابق وزیراعظم تو ہیلی کاپٹر پر آتے جاتے تھے، انہیں غریب سے کیا غرض، پاکستان مسئلہ کشمیر سمیت تمام مسائل کا حل چاہتا ہے۔
یاد رہے گذشتہ ہفتے وزیراعظم شہباز شریف نے پشاورموڑ تا نیو اسلام آباد ایئرپورٹ میٹروبس سروس منصوبے کا دورہ کیا ، اس موقع پر وزیراعظم نے سوال کیا تھا کہ اسلام آباد میٹرومنصوبہ طویل عرصے سے کیوں التوا کا شکار رہا؟ منصوبے پر التوا کا کوئی جواز نہیں بنتا۔
وزیراعظم شہبازشریف نے میٹرو بس منصوبے کے التوا کی انکوائری کا حکم دیتے ہوئے کہا تھا 16بلین خرچ ہونےکےباوجودمنصوبہ التوا کا شکار ہونا قابل افسوس ہے۔
وزیر اعظم شہباز شریف نے بھارتی ہم منصب نریندر مودی کو خط لکھ کر پیغام دیا ہے کہ پاکستان مسئلہ کشمیر سمیت تمام مسائل کا حل چاہتا ہے۔
جوابی خط میں وزیراعظم شہبازشریف نے کہا کہ پاکستان مسئلہ کشمیر سمیت تمام مسائل کا حل چاہتا ہے اور انڈیا کے ساتھ پُرامن تعلقات کا خواہاں ہے۔
چند روز قبل بھارتی وزیراعظم نریندر مودی نے وزیراعظم منتخب ہونے پر شہباز شریف کو مبارک باد پیش کرتے ہوئے کہا کہ بھارت کی خواہش ہے کہ خطے میں امن اوراستحکام ہو تاکہ ہم ترقیاتی چیلنجزاور لوگوں کی فلاح وبہبود پرتوجہ مرکوز کر سکیں۔
شہباز شریف کا کہنا تھا کہ جموں و کشمیر سمیت باقی تنازعات کا پرامن حل ناگزیر ہے، دہشت گردی کےخلاف جنگ میں پاکستان کی قربانیاں سب جانتے ہیں، آئیے امن قائم کریں اور اپنے لوگوں کی سماجی و اقتصادی ترقی پر توجہ دیں۔
پی ٹی آئی حکومت پر تنقید کرتے ہوئے شہباز شریف نے کہا کہ اس منصوبے کو زگ زیگ بنا دیا گیا اس کو کم کرکے 12 ارب پر لایا گیا، منصوبے کیلئے فنڈز سمیت ہرچیز موجود تھی بس کمی عزم کی تھی ، 55 روپے کلومیٹر پر وہ ہیلی کاپٹر سے دفتر اوررہائش گاہ آتے جاتے تھے، ان کو کیا غرض تھی کہ غریب کا بچےکو اسکول جانا ہے۔
انھوں نے خوشخبری سناتے ہوئے کہا کہ پنجاب ٹرانسپورٹ اتھارٹی سے15بسیں ادھارلی ہیں، رمضان میں عوام میٹروبس میں مفت سفر کریں کوئی ٹکٹ نہیں ہوگی، یہ ہمت کی داستان ہے کوئی رام کہانی نہیں ہے۔
ان کا کہنا تھا کہ آپ کو گھبراہٹ ہوگی مگر عوام کی گھبراہٹ ختم ہوگئی ہے، میں اسی رفتار سے کام کروں گا جس کی مجھے عادت ہے، کراچی کے عوام کے لئے کے سی آربہت اہم منصوبہ ہے، چائنیزکی خدمت میں کےسی آرکیلئےعرض کروں گا۔