میرے گھر
کے باہر مظاہرے میں بچوں کو نشانہ بنایا جارہا ہے، عمران خان کی سابقہ
اہلیہ جمائما گولڈ اسمتھ کا شکوہ، انھوں نے مزید کہا سوشل میڈیا پر نفرت
انگیز بیانیے کاسامنا ہے ، ایسا لگ رہا ہے جیسے90 کی دہائی کا لاہور ہے۔
عمران خان کی سابقہ اہلیہ جمائما گولڈ اسمتھ نے شکوہ کیا کہ میرے گھر کے باہر مظاہرے میں بچوں کو نشانہ بنایا جارہا ہے۔
تفصیلات کے مطابق عمران خان کی سابقہ اہلیہ جمائما گولڈ اسمتھ نے سماجی رابطے کی ویب سائٹ ٹوئٹر پر ن لیگ کی جانب سے گھر کے باہر احتجاج کرنے کے اعلان کی تصویر شیئر کی۔
جمائما نے اپنے بیان لکھا کہ میرے گھر کے باہر مظاہرے کئے جارہے ہیں، جس میں میرے بچوں کو نشانہ بنایا جار ہا ہے۔
انھوں نے مزید کہا سوشل میڈیا پر نفرت انگیز بیانیے کاسامنا ہے ، ایسا لگ رہا ہے جیسے90 کی دہائی کا لاہور ہے۔
عمران خان کی سابقہ اہلیہ نے اپنی ٹوئٹ میں پرانا پاکستا ن کا ہیش ٹیگ بھی ٹیگ کیا۔
خیال رہے مسلم لیگ ن کے رہنما عابد شیر علی نے اتوار کو عمران خان کی سابقہ اہلیہ کے گھر کے باہر احتجاج کا ٹوئٹ کیا تھا۔