Jul 02, 2024 08:10 pm
views : 426
Location : Different places
Islamabad- Imran's detention 'illegal', 'politically motivated': UN body
عمران خان کی گرفتاری
بلاجواز اور انھیں نااہل قرار دینے کیلیے تھی، یواین گروپ کا کہنا ہے کہ
عمران خان کی حراست کا فیصلہ من مانی اور عالمی قوانین کی خلاف ورزی ہے ،
عمران خان کی گرفتاری کا مقصد انھیں انتخاب لڑنے سے نااہل قرار دینا تھا
جنیوا میں قائم اقوام
متحدہ کے صوابدیدی حراست سے متعلق ورکنگ گروپ کا کہنا ہے کہ عمران خان کی
حراست بین الاقوامی قانون کی خلاف ورزی ہے اور ان کی ‘فوری’ رہائی کا
مطالبہ کرتے ہیں۔
منظر عام پر آنی والی تفصیلات کے مطابق یو این ورکنگ
گروپ نے یہ نتیجہ اخذ کیا کہ عمران خان کی گرفتاری اور انھیں قید میں رکھنے
کا کوئی قانونی جواز نہیں تھا اور ایسا لگتا ہے کہ بانی تحریک انصاف کی
گرفتاری کا مقصد انھیں سیاسی عہدہ رکھنے اور انتخاب لڑنے سے نااہل قرار
دینا تھا۔
پٹیشن پر ہونے والی کارروائی کی تفصیلات اب منظر عام پر آئی
ہیں جس پر 25 مارچ 2024 کی تاریخ درج ہے۔ جس میں اقوام متحدہ انسانی حقوق
ورکنگ گروپ نے بانی تحریک انصاف عمران خان کی حراست کو من مانی اور عالمی
قوانین کی خلاف ورزی قرار دیا۔
میڈیا رپورٹ کے مطابق اقوام متحدہ میں
سابق وفاقی وزیر مملکت ذلفی بخاری لا فرم کی جانب سے عمران خان کی گرفتاری
کے خلاف اقوام متحدہ میں پٹیشن دائر کی تھی۔
یواین ورکنگ گروپ نے عمران
خان کو دفاع کا حق فراہم نہ کیے جانے پر تشویش کا اظہار کرتے ہوئے بانی پی
ٹی آئی کی فوری رہائی اور آزادانہ تحقیقات کا مطالبہ بھی کیا۔
اقوام
متحدہ کے صوابدیدی حراستی گروپ نے مطالبہ کیا کہ بانی پی ٹی آئی کی
بلاجواز گرفتاری کا سدباب انھیں فوری طور پر رہا اور بین الاقوامی قانون کے
مطابق معاوضے کا قابل نفاذ حق فراہم کرکے کیا جا سکتا ہے۔
یواین ورکنگ
گروپ نے دعویٰ کیا کہ عمران خان کی گرفتاری کے خلاف پٹیشن پر پاکستانی
حکومت کا مؤقف جاننے کی کوششوں کا کوئی جواب نہیں دیا گیا۔
خیال رہے کی
یو این ورکنگ گروپ 5 آزاد ماہرین پر مشتمل ہے جن کی رائے پر اقوام متحدہ
عمل کرنے کی پابند نہیں لیکن ان میں ساکھ کا وزن ہے۔