Jun 28, 2023 07:56 pm
views : 472
Location : Domestic place
Karachi- Ship loaded with Russian oil anchored at Karachi port
روسی خام تیل سے لدا جہاز کراچی پورٹ پہنچ گیا ، روسی جہاز کی آئل پیئر نمبر 3پر برتھنگ کر دی گئی ہے ، جہاز سے
روسی خام تیل سے لدا جہاز کراچی پورٹ پہنچ گیا۔
روسی خام تیل سے لدا بحری جہاز کلائیڈ نوبل کراچی پورٹ آگیا ہے اور جہاز بندرگاہ کے ساتھ لنگر انداز ہوچکا ہے۔
اس
سے قبل 11 جون کو پہلا روسی خام تیل بردار جہاز کراچی بندرگاہ پہنچا، 183
میٹر لمبے روسی جہاز پیور پوائنٹ میں 45 ہزار میٹرک ٹن تیل لدا تھا اور
سمندری طوفان سے قبل جہاز کراچی پہنچنے میں کامیاب ہوا۔
روسی جہاز کی آئل پیئر نمبر 3پر برتھنگ کر دی گئی ہے ا ور اس سے خام تیل کی ترسیل آئندہ شروع کردی گئی ہے۔
اس
حوالے سے وزیر مملکت برائے پیٹرولیم مصدق ملک نے کہا تھا کہ روس سے تیل کی
فراہمی تسلسل کے ساتھ شروع ہوجائےگی تو قیمتوں میں فرق آئےگا۔
جیو
نیوز کے پروگرام 'جیو پاکستان' میں گفتگو کرتے ہوئے وزیر مملکت مصدق ملک کا
کہنا تھا کہ ہم اپنی ضرورت کا ایک تہائی خام تیل روس سے لینا شروع ہوجائیں
گے تو قیمتوں میں بڑا فرق آئے گا اور اس کا اثر لوگوں کی جیب تک پہنچے
گا، ہمارا ہدف ہےکہ ایک تہائی خام تیل رعایتی قیمت پر روس سے آئے، جب ہم
اپنا ہدف حاصل کرلیں گے تو تیل رعایتی قیمت پر ہوگا، اصل قیمت اس وقت نہیں
بتاسکتا، تاہم اس کا بہت بڑا فرق آئے گا اور اثر لوگوں کی جیب تک پہنچےگا۔
رعایتی
روسی خام تیل کی خریداری کی مارکیٹ کی رپورٹوں کے باعث صارفین 15 جون کو
قیمتوں کے پندرہ روزہ جائزے کے دوران پیٹرولیم مصنوعات کی قیمتوں میں کمی
کی توقع کر رہے تھے لیکن حکومت نے تیل کی قیمتوں میں کوئی تبدیلی نہیں کی
تھی۔