وزیرخارجہ بلاول بھٹو بھارت
پہنچ گئے ، وزیر خارجہ کا کہنا تھا کہ بھارت جانا ثبوت ہے کہ پاکستان
شنگھائی تعاون تنظیم کو اہمیت دیتا ہے ، ایس سی او کی رکنیت پاکستان کے لیے
اہم ہے
وزیرخارجہ
بلاول بھٹو زرداری نے کہا ہے کہ پاکستان شنگھائی تعاون تنظیم کو بہت اہمیت
دیتا ہے ، وزیرِ خارجہ بلاول بھٹو شنگھائی تعاون تنظیم کے اجلاس میں شرکت
کے لیے 2 روزہ دورے پر بھارت روانہ ہوگئے۔
بلاول بھٹو زرداری کراچی سے
خصوصی طیارے میں بھارتی شہر گووا کے لیے روانہ ہوئے ، وزیرِ خارجہ بلاول
بھٹو زرداری کا طیارہ کراچی سے براہ راست گووا انٹرنیشنل ایئر پورٹ پر لینڈ
کیا، میڈیا رپورٹ کے مطابق بلاول بھٹو زرداری 2 روز تک بھارت میں قیام
کریں گے۔
شنگھائی تعاون تنظیم ( ایس سی او) کے وزرائے خارجہ کے اجلاس
میں شرکت کے لیے بھارت روانگی سے قبل وزیرخارجہ بلاول بھٹو زرداری نے ویڈیو
پیغام میں کہا کہ ایس سی او وزرائے خارجہ کونسل میں پاکستانی وفد کی
نمایندگی کر رہا ہوں، میرا بھارت جانا یہ واضح پیغام بھیجتا ہے کہ پاکستان
شنگھائی تعاون تنظیم کو کتنی اہمیت دیتا ہے اور اپنی ممبر شپ کو کتنا سیریس
لیتا ہے۔
وزیرِ خارجہ نے کہا کہ میں اس تنظیم میں شامل ممالک کے ساتھ باہمی روابط کا منتظر ہوں۔
بلاول
بھٹو نے مزید کہا کہ بلاول بھٹو کا کہنا تھا کہ ایس سی وزرائے خارجہ اجلاس
کے موقع پر رکن ممالک کے وزرائے خارجہ سے ملاقاتوں کا منتظر ہوں۔ ان
ملاقاتوں میں باہمی تعلقات ، خطے اور عالمی مسائل پر تبادلہ خیال ہوگا۔
ایس
سی او وزرائے خارجہ کا دو روزہ اجلاس آج سے بھارت کے شہر گووا میں شروع
ہوگا۔ ایس سی او کے رکن ممالک میں چین ،پاکستان، بھارت، روس، قازقستان،
کرغیزستان، تاجکستان اور ازبکستان شامل ہیں۔
گزشتہ روز بلاول بھٹو نے
بھارت روانگی سے قبل مولانا فضل الرحمٰن، سراج الحق، خالد مقبول صدیقی اور
دیگر رہنماؤں سے ٹیلیفونک رابطہ کیا تھا۔
ترجمان کے مطابق بلاول بھٹو نے بھارتی شہر گووا میں ہونے والے ایس سی او اجلاس میں شرکت پر مشاورت کی اور انہیں اعتماد میں لیا تھا۔
پاکستان
نے فضائی حدود استعمال کرنے کیلئے بھارتی سول ایوی ایشن اتھارٹی سے رابطہ
کیا تھا جس پر بھارت نے بلاول بھٹو زرداری کے طیارے کے گووا جانے کیلئے
فضائی حدود استعمال کرنے کی اجازت دے دی۔