عمران خان کی گرفتاری
کے لیے پولیس اور کارکنان میں تصادم ، پولیس کا کارکنان پر لاٹھی چارج،
واٹر کینن کا استعمال ، کیمپ اکھاڑ دیے، زمان پارک کے راستے بند،کارکنوں کا
جوابی پتھراؤ
سابق
وزیراعظم عمران خان نے اپنے سوشل میڈیا اکاؤنٹ سے ویڈیو بیان جاری کیا
ہے۔کارکنوں کو مخاطب کرتے ہوئے انہوں نے کہا کہ آپ نے ثابت کرنا ہے کہ
عمران خان کے بغیر بھی قوم جدوجہد کرے گی ، میں آپ کی جنگ لڑ رہا ہوں،
مجھے کچھ ہوجاتا ہے یا جیل چلا جاتا ہوں تو آپ نے جدوجہد جاری رکھنی ہے۔
ان
کا کہنا تھاکہ پولیس مجھے گرفتار کرنے آئی ہے، ان کا یہ خیال ہے میں جیل
چلا جاؤں تو قوم سوجائے گی، آپ نے اپنے حقوق اور حقیقی آزادی کیلئے باہر
نکلنا ہے، میں نے اپنی ساری زندگی یہ جنگ لڑی ہے اور لڑتا رہوں گا۔
واضح
رہے کہ توشہ خانہ کیس میں پی ٹی آئی کے چئیرمین عمران خان کی گرفتاری کے
لیے اسلام آباد پولیس لاہور میں زمان پارک پہنچ گئی جہاں مزاحمت پر پولیس
نے کارکنان پر لاٹھی چارج کردیا، شیلنگ کی، واٹر کینن کا استعمال کیا جبکہ
کارکنوں ںے پتھراؤ کیا۔
اسلام آباد پولیس کی جانب سے ڈی آئی جی آپریشن
اسلام آباد شہزاد ندیم بخاری بکتر بند گاڑی اور پولیس ٹیم کے ہمراہ
آئے۔زمان پارک میں پی ٹی آئی کارکنان کے پتھراؤ سے ڈی آئی جی اسلام آباد
شہزاد بخاری زخمی ہوگئے۔ عمران خان کے گھر کے اندر شیلنگ کی گئی۔
پہلے
سے موجود وہاں کارکنوں نے گرفتاری کے خلاف مزاحمت کی تو پولیس نے ان پر
لاٹھی چارج کیا۔ پولیس نے واٹر کینن گاڑیاں بھی طلب کیں جن سے کارکنوں پر
پانی پھینکا گیا جب کہ مزاحمت کرتے ہوئے کارکنوں ںے پولیس پر پتھراؤ کیا۔
پولیس نے آنسو گیس کی شیلنگ بھی کی۔
دوسری جانب کارکنان کی بڑی تعداد
زمان پارک پہنچی ہوئی ہے اور پولیس کے خلاف مزاحمت کے لیے تیار ہے۔ انہوں
نے ہاتھوں میں ڈنڈے اٹھائے ہوئے ہیں اور شدید نعرے بازی کررہے ہیں تاہم
پولیس انہیں کامیاب ہونے نہیں دے رہی۔
پولیس کے دو افسران نے گرفتاری کا
نوٹس وصول کروانے کے لیے ہاتھ میں پلے کارڈ اٹھا رکھے ہیں۔ پلے کارڈز پر
نوٹس وصول کروانے کے حوالے سے تحریر موجود ہے۔