Mar 08, 2023 07:58 pm
views : 426
Location : Islamabad High Court
Islamabad - Petition against granting permission to women march declared inadmissible by High Court
ہائی کورٹ نے عورت
مارچ کی اجازت دینے کے خلاف درخواست ناقابل سماعت قرار دے کر خارج کر دی،
عورت مارچ کا اجازت نامہ آئین کے آرٹیکل 31 کی کھلی خلاف ورزی ہے ، آئین
پاکستان کی دفعہ 2 کے مطابق ریاست کا مذہب اسلام ہے
میڈیا
رپورٹ کے مطابق اسلام آباد ہائیکورٹ کے چیف جسٹس عامر فاروق نے عورت مارچ
کی اجازت دینے کے خلاف درخواست کو ناقابلِ سماعت قرار دیتے ہوئے خارج کر
دیا۔وکیل درخواست گزار کا کہنا تھا کہ عورت مارچ کا اجازت نامہ آئین کے
آرٹیکل 31 کی کھلی خلاف ورزی ہے، آئین پاکستان کی دفعہ 2 کے مطابق ریاست کا
مذہب اسلام ہے، اجازت نامہ دیتے ہوئے آرٹیکل 16 کو نظر انداز کیا گیا۔چیف
جسٹس اسلام آباد ہائی کورٹ نے استفسار کیا کہ بینرز اور پلے کارڈ ماضی کی
بات ہے، ابھی آپکو کیا خدشہ ہے کیا حقوق کی بات کرنے کا آئین پاکستان نے ان
کو حق نہیں دیا،وکیل درخواست گزار نے کہا کہ اس میں کچھ پابندیاں بھی
لگائی گئیں ہیں، اسلامی ریاست میں ایسا ممکن نہیں۔چیف جسٹس نے عورت مارچ کی
اجازت دینے کے خلاف دائر درخواست ناقابل سماعت قرار دیتے ہوئے اسے خارج کر
دیا۔یاد رہے کہ درخواست گزار نے عورت مارچ کی اجازت کا ڈی سی کے نوٹیفکیشن
کو چیلنج کیا تھا۔