پاکستانی سفیر نے کشتی
ڈوبنے کے واقعے میں پاکستانی شہریوں کی ہلاکت کی تردید کر دی ، اٹلی میں
پاکستانی سفیر علی جاوید کا کہنا تھا کہ کشتی میں سوار 16 پاکستانی محفوظ
ہیں، 4 لاپتہ ہیں جن کی تلاش جاری ہے ، لا پتا پاکستانیوں کی معلومات جلد
مل جائیں گی
اٹلی
میں پاکستانی سفیر علی جاوید نے کہا ہے کہ کشتی میں سوار 28 پاکستانیوں کی
موت سے متعلق ابتدائی معلومات غیرمصدقہ تھیں ، غیر قانونی تارکین وطن کی
کشتی ڈوبنے کے واقعے میں اموات کی تعداد 63 ہو گئی ہے
ایک بیان میں علی
جاوید نے کہا کہ کشتی میں سوار 28 پاکستانیوں کی موت سے متعلق خبر واپس لے
لی گئی تھی، کشتی میں سوار 16 پاکستانی محفوظ ہیں، 4 لاپتہ ہیں جن کی تلاش
جاری ہے۔
پاکستانی سفیر نے کہا کہ لا پتا پاکستانیوں کی معلومات جلد مل
جائیں گی، کشتی حادثے میں بچ جانے والے پاکستانیوں کے ساتھ پاکستانی سفارت
خانے کے ایک سینئر اہل کار نے ملاقات کی ہے، ان کی حالت بہتر ہے۔
ادھر ترجمان دفتر خارجہ کا کہنا ہے کہ پاکستانی سفارت خانہ اطالوی حکام سے 4 لا پتا پاکستانیوں سے متعلق قریبی رابطے میں ہے۔
سفیر
علی جاوید نے کہا کہ سفارتخانے کی سینئر اہلکار نے میڈیکل کیمپ میں 16
پاکستانیوں سے ملاقات کی، کشتی حادثہ کلابریا میں جس مقام پر ہوا سفارتخانے
سے 9 گھنٹے کی مسافت پر ہے، واقعے کی خبر ملتے ہی رات ہی کو سفارتخانے کے
عملہ کو جائے وقوع پر بھیجا گیا۔
انہوں نے کہا کہ کشتی حادثے میں بچ
جانے والے 16 پاکستانیوں کی حالت خطرے سے باہر ہے، حادثے میں بچ جانے والوں
نے بتایا کہ کشتی میں 20 پاکستانی سوار تھے، کشتی حادثے میں لاپتہ 4
پاکستانیوں کی تلاش جاری ہے۔
سفیر پاکستان علی جاوید کا کہنا ہے کہ
16پاکستانیوں کا تعلق مالاکنڈ، حافظ آباد، گوجرانوالہ اور گجرات سے ہے،
سفارتخانہ کشتی حادثے کے معاملے کو قریب سے دیکھ رہا ہے۔
ان کا یہ بھی کہنا ہے کہ سفارتخانہ 16 پاکستانیوں کی واپسی کے لیے اٹلی حکومت کے تعاون سے اقدامات کرے گا۔
خیال
رہے کہ اس سے قبل بتایا گیا تھا کہ کشتی میں تقریباً 250 افراد سوار تھے،
جن میں 40 پاکستانی شامل تھے، اور ملنے والی جن لاشوں کی شناخت ہوئی تھی ان
میں 28 پاکستانی بھی تھے۔
ترکی سے روانہ ہوئی کشتی میں 200 افراد سوار
تھے، کشتی اس وقت تباہ ہوئی جب اس نے اٹلی کے جنوبی علاقے کروٹون میں لنگر
انداز ہونے کی کوشش کی۔