رونے دھونے، تماشہ لگانے سے
کچھ نہیں ہو گا، وزیر اعظم کا کہنا ہے کہ ڈیمز کی تعمیر پر توجہ دیتے تو
آج پاکستان بڑے نقصان سے بچ جاتا ، وقت آ گیا پاکستان اور امریکا دوطرفہ
تعلقات کومزید مستحکم کریں
وزیرِ اعظم شہباز شریف کا کہنا ہے کہ ریفربشمنٹ منصوبے کا افتتاح باعث فخر ہے، منگلا پروجیکٹ پانی ذخیرے کے بڑے منصوبوں میں شامل ہے۔
وزیر
اعظم شہباز شریف نے منگلا پن بجلی کے یونٹ 5 اور 6 کی ریفریشمنٹ منصوبے کی
افتتاحی تقریب سے خطاب کرتے ہوئے کہا کہ منگلا پن بجلی کے ریفریشمنٹ
منصوبے میں امریکی تعاون پر مشکور ہیں۔ منگلا پن بجلی ریفریشمنٹ منصوبے میں
تعاون پاکستان اور امریکہ کے درمیان اچھے تعلقات کی مثال ہے اور اب وقت ہے
پاکستان اور امریکہ دوطرفہ تعلقات کو مزید مستحکم کریں۔
انہوں نے کہا کہ منصوبے میں امریکی تعاون پر شکر گزار ہیں، وقت آگیا ہے کہ پاک امریکا تعلقات کو مزید مضبوط کریں۔
شہباز
شریف کا کہنا ہے کہ منگلا کی اپ گریڈیشن نہایت اہم منصوبہ ہے، ایک ارب
ڈالر کے بانڈ سے متعلق بہت کچھ کہا گیا ہم یہ ادائیگی کر چکے ہیں۔
وزیرِ
اعظم نے کہا کہ منگلا ڈیم ایوب خان کا کارنامہ ہے جو تاریخ میں یاد رکھا
جائے گا، بجلی کی لوڈ شیڈنگ 2013 میں اپنے عروج پر تھی، نواز شریف کے دور
میں بجلی کی لوڈشیڈنگ ختم ہو گئی تھی۔
وزیر اعظم شہباز شریف نے کہا ہے
کہ ہمیں دنیا سے موسمیاتی تبدیلی کے معاملے پر انصاف چاہیے، رونے دھونے اور
تماشہ لگانے سے کچھ نہیں ہو گا بلکہ شبانہ روز محنت کرنا ہوگی۔
انہوں
نے کہا کہ منگلا پراجیکٹ پانی ذخیرے کے بڑے منصوبوں میں شامل ہے جبکہ شمسی
توانائی سے ہم 10 ہزار میگاواٹ بجلی بنانے کے قابل ہوئے ہیں اور 60 ہزار
میگاواٹ بجلی نہ بنانے کے ذمہ دار ہم سب ہیں کیونکہ اگر ہم نے ڈیمز کی
تعمیر پر توجہ دی ہوتی تو آج پاکستان بڑے نقصان سے بچ جاتا۔
انہوں نے
کہا کہ نواز شریف کے دور میں انڈسٹری دوبارہ چلنا شروع ہوئی، اسٹیل مل
ذوالفقار علی بھٹو کا کریڈٹ ہے جس کو تاریخ ہمیشہ یاد رکھے گی۔
ان کا کہنا ہے کہ سیلاب نے پاکستان میں تباہی مچائی، منگلا ڈیم اور دیگر ڈیموں نے سیلاب کی کچھ تباہی کو روکا۔