Aug 09, 2022 02:40 pm
views : 323
Location : domestic place
Rawalpindi- Two-vote government becoming unrestrained, says Sheikh Rashid
راولپنڈی،
عمران خان کو گرفتار کرنا خونیں سیاست کا آغاز ہوگا، شیخ رشید کہتے ہیں
چین پاکستان کا بھلا سوچ رہا ہے،اس کے اشاروں کو سمجھیں
عوامی
مسلم لیگ کے سربراہ وسابق وفاقی وزیر داخلہ شیخ رشید احمد نے کہا ہے کہ
عمران خان کو گرفتار کرنا یا پی ٹی آئی کو توڑنے کی منصوبہ بندی کرنا خونیں
سیاست کا آغاز ہوگا۔
سماجی رابطوں کی ویب سائٹ ٹوئٹر پر جاری بیان میں
شیخ رشید احمد کا کہنا تھا کہ چین پاکستان کا بھلا سوچ رہا ہے،اس کے اشاروں
کو سمجھیں۔یوم آزادی کو یوم بربادی نہ بنائیں۔
سابق وزیر داخلہ نے
اعلان کیا کہ حساس ترین مرحلے پر 12تاریخ 3 بجے پریس کانفرنس کروں گا اور13
اگست کی رات 11بجے لال حویلی جلسے سے خطاب کروں گا۔
شیخ رشید کا کہنا
تھا کہ ملکی سیاست اور اقتدار سے زیادہ ملک کی سلامتی اہم ہے۔ افغانستان کا
عدم استحکام پاکستان پر بھی اثرانداز ہوگا۔ بھتہ اور خودکش حملے شروع ہو
گئے ہیں۔ حکومتی خواہشوں سے من پسند خبریں نہیں بن سکتیں۔ مشرف نے چینل
لائسنس دیے،مفاد پرست فاشسٹ بند کر رہے ہیں۔آج ن لیگ کا بیانیہ دفن ہوگیا
ہے۔
ایک دوسرے ٹوئٹ میں سابق وزیر داخلہ نے کہا کہ 2 ووٹوں کی
حکومت،15اتحادی پارٹیوں کے ساتھ بے لگام ہو رہی ہے۔ان کا ناکام ایجنڈا
عمران خان کو نااہل اور نواز شریف کو اہل کروانا ہے۔بےلگام حکومت کی عقل پر
پردہ پڑ چکا ہے۔معاشی تباہی،سیاسی عدم استحکام،بھتہ اور دہشت گردی کا آغاز
ان کی سیاست کودفن کردے گا۔