Jul 20, 2017 01:24 pm
views : 809
Location : Governor House
Karachi- Governor Sindh Muhammad Zubair meets DG ANF Masarrat Nawaz Malik
کراچی ، منشیات جیسی موذی لعنت سے نوجوان نسل کو محفوظ رکھنا ہو گا، گورنر سندھ
کراچی میں اینٹی نار کوٹکس فورس کے ڈائریکٹر جنرل میجر جنرل مسرت نواز ملک نے گورنر سندھ محمد زبیر سے گورنر ہاؤس میں ملاقات کی ۔
اس موقع پر اینٹی نارکوٹکس فورس سندھ کے کمانڈر بریگیڈیئر نو ر الحسن بھی
موجود تھے۔ ملاقات میں منشیات کے خاتمہ، اس میں مبتلاء افراد کے علاج و
معالجہ، اینٹی نا رکوٹکس فورس کی کارکردگی ، صوبہ میں اٹھائے گئے اقدامات
سمیت دیگر امور پر تفصیلی تبادلہ خیال کیا گیا۔
گورنر سندھ محمد زبیر نے کہا ہے کہ معاشرہ کو منشیات جیسی موذی لعنت سے پاک
کرنے اور نوجوان نسل کو اس سے محفوظ بنانے کے لئے اس گھناؤنے کاروبار میں
ملوث عناصر کو ہر صورت کیفر کردار تک پہنچایا جائے اس ضمن میں انسداد
منشیات فورس اہم کردار ادا کررہی ہے۔
گورنر سندھ نے کہا کہ منشیات نوجوان نسل کو دیمک کی طرح کھا رہی ہے ، اس
موذی مرض میں سینکڑوں قابل، لائق ، ہونہار اور با صلاحیت نوجوان اپنا
مستقبل تاریک کر چکے ہیں ہمیں اپنی نسل کو اس سے محفوظ رکھنے کے لئے ہر
ممکن اقدامات اٹھا نا ہو نگے اس ضمن میں حکومت ہر ممکن تعاون و وسائل فراہم
کرے گی۔
گورنر سندھ نے کہا کہ اینٹی نا رکوٹکس فورس کا نہ صرف منشیات فروشوں کے
خلاف سخت ایکشن جاری ہے بلکہ اس موذی مرض میں مبتلاء4 افراد کی دوبارہ
بحالی کے لئے لیاری میں اسپتال کا قیام قابل تحسین ہے ،علاج و معالجہ کے
بعد متعدد افراد منشیات چھو ڑ کر دوبارہ اپنی معمول کی زندگی گذارہے ہیں۔
انہوں نے کہا کہ منشیات فروشوں کا اصل ہدف اسکولز ، کالجز اور یونیورسٹیز
کے طلبہ ہوتے ہیں اس لئے تعلیمی اداروں کے اطراف بھی ان منشیات فروشوں پر
سخت نظر رکھنا ہوگی۔
ملاقات میں میجر جنرل مسرت نواز ملک نے گورنر سندھ کو اینٹی نا رکوٹکس کی
کارکردگی سے متعلق تفصیل سے آگاہ کرتے ہوئے کہا کہ ادارہ نے منشیات فروشوں
کے خلاف گھیرا مزید تنگ کردیا ہے جس کے مثبت نتائج سامنے آرہے ہیں ، حالیہ
دنوں میں بڑی کارروائی کے دوران اربوں روپے مالیت کی منشیات اور اس میں
ملوث عناصر کو پکڑا جا چکا ہے۔
انہوں نے کہا کہ گورنر سندھ کی ہدایت کے مطابق صوبہ میں منشیات فروشوں کے
خلاف مربوط اور موئثر اقدامات کو یقینی بنایا جائے گا ، عوام میں شعور
بیدار کرنے کے لئے ادارہ نے مہم بھی شروع کی جس کے بھی مثبت نتائج برآمد
ہوئے۔