راول پنڈی،ہم مقابلے کے لئے تیار ہیں، نواز شریف تم جگہ کا انتخاب کرو،شیخ رشید
عوامی مسلم لیگ کے سربراہ شیخ رشید کا کہنا ہے کہ پانامہ کا کیس ملکی سیاست
کا سب ے بڑا کیس ہے اسحاق ڈار کا بازاری زبان استعمال کرنا افسوسناک ہے،ن
لیگ کے 4 وزیروں کی پریس کانفرنس سے لگتا ہے کہ ان کونتیجے کی بوآگئی ہے جب
کہ نواز شریف کا گینگ ہی ان کو مروائے گا۔
راولپنڈی میں لال حویلی میں پریس کانفرنس کے دوران عوامی مسلم لیگ کے
سربراہ شیخ رشید نے کہامجھے شک ہے کل جے آئی ٹی کے بارے میں سپریم کورٹ میں
اپیل کریں گے۔
شیخ رشید نے کہا کہ نوازشریف جب بھی دو تہائی اکثریت لیتے ہیں ان کی گردن
میں سریا آجاتا ہے،فوج کو چیلنج کیا جا رہا ہیکہ پوری قوم فوج اور عدلیہ کے
ساتھ کھڑی ہے لیکن بعض لوگ ملک میں خلفشار پھیلانا چاہتے ہیں، جے آئی ٹی
ارکان کو سیلوٹ کرتا ہوں، ساری قوم عدلیہ کے فیصلے کا انتظار کرہی ہے، اگر
دوبارہ جرح ہوئی تو نواز شریف کو دبارہ طلب کرنے کی استدعا کروں گا۔
شیخ رشید نے کہا کہ قطری شہزادہ حسین نوازکا گواہ ہے، قطری شہزادہ نوازشریف
کے لیے نہیں بلکہ حسین نواز کی صفائی کے لیے آیا تھا، قطری نے کہا وہ
پاکستانی عدالتوں کے دائرہ کار کو نہیں مانتا، جے آئی ٹی مین نواز شریف پیش
ہوسکتے ہیں تو قطری شہزادہ کیوں نہیں، حکومت کی ذمہ داری تھی وہ قطرہ
شہزادے کو پیش کرتی، ن لیگ والے فوج کو چیلنج کررہے ہیں، اسمبلی توڑنا نواز
شریف کا کام ہے، اگر نواز شریف نے اسمبلی توڑنی ہے تو صوبوں کی اسمبلیاں
بھی توڑنا ہوں گی جب کہ نواز شریف نے ہمیشہ خود اپنے خلاف سازشیں کیں۔
شیخ رشید نے مزید کہا کہ اگر نواز شریف کو مقابلے کی غلط فہمی ہے تو میدان
میں آجائیں عمران خان اور شیخ رشید مقابلہ کریں گے،نواز شریف جگہ کا انتخاب
کریں۔