Sep 09, 2022 04:20 pm
views : 374
Location : domestic place
Islamabad- International cooperation is very important for flood victims, says PM
اسلام
آباد، سیلاب متاثرین کیلئے بین الاقوامی تعاون بہت اہم ہے، وزیر اعظم
شہباز شریف کہتے ہیں پل، سڑکیں اور انفرا اسٹرکچر تباہ ہوگیا ہے، سیکریٹری
جنرل اقوام متحدہ نے مشکل وقت میں ہرممکن مدد کی یقین دہانی کرادی
اقوامِ
متحدہ کے سیکرٹری جنرل انتونیو گوتریس دو روزہ دورے پر پاکستان پہنچ گئے۔
سیکرٹری جنرل نے وزیراعظم شہباز شریف سے ملاقات کی۔ بعدازاں دونوں کو نیشنل
فلڈ رسپانس اینڈ کوآرڈینیشن سینٹر (این ایف آر سی سی) میں سیلاب اور
امدادی سرگرمیوں پر بریفنگ دی گئی۔
اس موقع پر انتونیو گوتریس کا کہنا
تھا کہ سیلابی صورتحال میں پاکستانی حکومت اور عوام سے اظہار یکجہتی کرتے
ہیں، میں نے سیلاب متاثرین کو دیکھا ہے ان کے گھر ،فصلیں سب تباہ ہوگئے
ہیں، متاثرین کو امداد فراہم کرنے کے لیے تمام ادارے ملکر کام کر رہے
ہیں،جو قابل تحسین ہے۔
انہوں نے کہا کہ پاکستان وہ ملک ہے جو میرے دل کے
بہت قریب ہے، حکومت ،پاک فوج ،سماجی تنظیمیں سیلاب متاثرین کی مدد کر رہی
ہیں، عالمی برادری کو پاکستان کی بحالی اور سرمایہ کاری میں حصہ لینا
چاہیے، میں عالمی برادری کو پیغام دے رہا ہوں پاکستان اس وقت مشکل میں ہے
آگے بڑھیں اور مدد کریں ، اقوام متحدہ اس مشکل وقت میں پاکستان کی ہر ممکن
مدد کرے گی۔
سیکرٹری جنرل کا کہنا تھا کہ موسمیاتی تبدیلیوں سے پاکستان
متاثر ہو رہا ہے ، تاہم اس نے موسمیاتی تبدیلی سے نمٹنے کے لیے موثر
اقدامات نہیں کیے۔
بعد ازاں مشترکہ پریس کانفرنس کرتے ہوئے وزیر اعظم
شہباز شریف کا کہنا تھاکہ ہمیں عالمی برادری کے تعاون کی ضرورت ہے،
سیکریٹری جنرل کی آمد اس بات کا ثبوت ہے کہ وہ پاکستان کے ساتھ کھڑے ہیں
سیلاب متاثرین کی امداد کو پوری شفافیت کے ساتھ ان تک پہنچایا جائے گا۔