گوادر پورٹ اتھارٹی میں معنقدہ تقریب میں سیلاب متاثرین کیلئے پانچ اعشاریہ آٹھ آٹھ ملین روپے کا عطیہ اکھٹا کرلیا گیا، چینی کمرشل قونصلیٹ کہتے ہیں ہم سیلاب زدگان کی مدد اور بحالی کے حوالے سے ہر ممکن مدد کیلئے ہمہ وقت تیار ہیں
سیلاب زدگان کے امداد کیلئے فنڈز جمع کرنے کی غرض سے گوادر پورٹ اتھارٹی کے زیر اہتمام ایک تقریب منعقد ہوئی۔ تقریب میں کراچی میں تعینات چینی کمرشل قونصلیٹ پانگ گوان گوپان نے بھی خطاب کیا ۔
تقریب سے جی او سی گوادر میجر جنرل عنایت حسین، چییرمین گوادر پورٹ اتھارٹی نصیر خان کاشانی بحریہ کے ایڈمرل امتیاز علی ڈاٹریکٹر فنانس ادارہ ترقیات گوادر طارق عزیز لاسی ایڈیشنل ڈپٹی کمشنر جنرل ذاکر علی بلوچ ودیگر احکام نے شرکت کی۔
تقریب میں بتایا کہ گوادر پورٹ اتھارٹی نے چینی کمپنی اور دیگر ذرائع سے سیلاب زدگان کی مدد کیلیے فنڈز اکٹھا کرنے کا فیصلہ کیا ہے اس سلسلے میں جی پی اے کی جانب سے ایک ملین روپے مہیا کیے جاچکے ہیں جس میں جی پی اے کے افسران اورملازمین کے دو دن کی تنخواہیں اور چھوٹے ملازمیں کے ایک دن کی تنخواہیں شامل ہیں جبکہ گوادر فری زون اور یہاں کام کرنے والے چینی کمپنیاں بھی سیلاب زدگان کی مدد کیلیے عطیات جمع کررہے ہیں۔
اس موقع پر سیلاب متاثرین کیلئے 5.88 ملین روپے کا عطیہ اکھٹا کیا گیا ہے۔
تقریب سے خطاب کرتے ہوئے چینی قونصلر نے کہا کہ چینی حکومت اور عوام پاکستان ا ور اسکے عوام کے ساتھ اپنی دوستی پر فخر کرتے ہیں اور مشکل گھڑی میں اپنے پاکستانی بھائیوں کے ساتھ کھڑے ہیں۔
انہوں نے مزید کہا کہ ہم سیلاب زدگان کی مدد اور بحالی کے لئے ہر ممکن مدد کیلیے ہمہ وقت تیار ہیں۔
تقریب میں مقررین نے اس خواہش کا اظہار کیا کہ متاثرہ علاقوں کے لوگوں کی بحالی کا عمل جلد ازجلد مکمل ہو اور چین پاکستان دوستی اسی طرح پھلی پھولی رہے۔