Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Mar 31, 2022 07:29 pm views : 320

"If Imran Khan remains the Prime Minister, the coming days will be difficult."

 ”عمران خان وزیر اعظم رہے تو آئندہ کے دن مشکل ہوں گے“، وزیر اعظم عمران خان کی سینئر صحافیوں سے ملاقات ختم ہوگئی، ملاقات میں 14 سینئر صحافی موجود تھے، وزیراعظم نے اپنی کابینہ کو بھی دھمکی آمیز خط دکھا دیا۔

ارشد شریف کے مطابق خط کے متن میں کہا گیا ہے کہ تحریک عدم اعتماد کامیاب ہوتی ہے تو پاکستان کے لیے  مسائل کم ہوں گے، ہم خوش نہیں، تحریک عدم اعتماد کامیاب ہوتی ہے تو سب ٹھیک ہوگا، اگر عمران خان وزیر اعظم رہے تو آئندہ کے دن مشکل ہوں گے۔
ارشد شریف کے مطابق خط میں تحریک عدم اعتماد کا متعدد بار ذکر کیا گیا ہے، خط میں وزیر اعظم کےدورہ روس پر بھی تشویش کا اظہار کیا گیا۔ خط کس ملک سے آیا کس نے لکھا یہ نہیں بتایا گیا، خط کے مندرجات میں حکومت کی تبدیلی کی بات کی گئی، پاکستان کو کھلی دھمکی دی گئی، خط میں خارجہ پالیسی اور مستقبل کے تعلقات کو جوڑ دیا گیا۔
اینکر پرسن کے مطابق وزیراعظم نے ملاقات میں کہا کہ دھمکی آمیز خط عسکری حکام سے شیئر کیا جاچکا ہے، پارلیمنٹ میں ان کیمرا سیشن میں خط سامنے رکھا جائے گا، وزیر خارجہ شاہ محمود قریشی پارلیمنٹ ان کیمرا سیشن میں مندرجات سامنے لائیں گے، خط کے مندرجات عوام کے سامنے بھی رکھوں گا۔
ملاقات میں وزیر اعظم عمران خان سے سوال کیا گیا کہ آپ کے عدم اعتماد میں بچنے کے کتنے فیصد چانسز ہیں؟ اس کے جواب میں عمران خان نے کہا کہ ہمارے بچنے کے 80 فیصد چانسز ہیں۔
وزیر اعظم عمران خان نے دھمکی آمیز خط کابینہ اراکین کو دکھا دیا، خط کے معاملے پر قومی سلامتی اداروں کے سربراہان کو بھی اعتماد میں لیا گیا۔
وزیراعظم عمران خان نے اپوزیشن کی چال کو عالمی سازش قرار دیتے ہوئے کہا کہ میں نے ہر مشکل حالات کا ڈٹ کر مقابلہ کیا ہے۔
واضح رہے کہ متحدہ قومی موؤمنٹ پاکستان نے حکومت سے علیحدگی کا فیصلہ کرلیا ہے جس کی توثیق رابطہ کمیٹی کی جانب سے کی جاچکی ہے، دوسری جانب علیم خان گروپ نے پنجاب کی وزارت اعلیٰ کےلیے ق لیگ کے مرکزی رہنما چوہدری پرویز الہٰی کو ووٹ دینے سے انکار کردیا ہے۔