اسلام آباد،وزیراعظم شاہد خاقان عباسی کی زیر صدارت وفاقی کابینہ کا آخری اجلاس
وزیراعظم شاہد خاقان عباسی کی زیر صدارت وفاقی کابینہ کے آخری اجلاس میں متعدد اہم منصوبوں اور پروگرامز کی منظوری دی گئی۔
ترجمان وزیر اعظم ہاؤس کے مطابق کابینہ نے اقتصادی رابطہ کمیٹی اور توانائی
کمیٹی کے فیصلوں کی توثیق کر دی ہے، اجلاس میں پانچ سالہ قومی داخلی
سلامتی پالیسی 23-2018 کے ساتھ ساتھ نیشنل ٹرانسپورٹ پالیسی 2018 اور
نیشنل فلمز اور نیشنل کلچر پالیسی کی منظوری بھی دی گئی۔
کابینہ اجلاس کے دوران ڈومیسٹک پروازوں کے لئے کے ٹو ایئرویز کو لائسنس
جاری کرنے کی منظوری دی گئی، اس کے علاوہ حقوق دانش بورڈ کی تشکیل نو اور
مجیب احمد خان کی بطور چئیرمین حقوق دانش کونسل تقرری کی منظوری بھی دی
گئی۔
کابینہ نے لاہور، ملتان، ایبٹ آباد بینکنگ کورٹس کے لیے ججز کی تعیناتی، او
پی ایف بورڈ آف گورنرز میں توسیع اور ہائیڈرو کاربن ڈویلپمنٹ انسٹی ٹیوٹ
آف پاکستان کے چار رکنی بورڈ آف گورنرز کی بھی منظوری دی۔
گنے کے کاشتکاروں کو ادائیگیوں کے لئے خالی رسید کے بجائے چیکس جاری کیے
جائیں، اس کے ساتھ ساتھ چاولوں کی تجارت سے متعلق پاکستان اور فلپائن کی
وزارت تجارت کے درمیان معاہدے کی منظوری بھی دی گئی۔