May 20, 2018 10:35 pm
views : 436
Location : Different Areas
Karachi- Heat Wave In City
کراچی،شہرقائد میں قیامت خیز گرمی، پارہ 44 ڈگری تک جا پہنچا
شہر قائد میں جھلسادینے والی گرمی نے روزے داروں کو نڈھال کردیا پارہ 44ڈگری تک جاپہنچا قیامت خیز گرمی کے باعث لوگ بلبلا اٹھے۔
کراچی میں آج سال کا گرم ترین دن ہے۔ شہر میں سورج آگ برسانے لگا،
قیامت خیز گرمی کے باعث لوگ بلبلا اٹھے۔ دوپہر 3 بجے کراچی کا درجہ حرارت
44 ڈگری سینٹی گریڈ تک جا پہنچا ہے، جب کہ گرمی کی شدت (ہیٹ انڈیکس)45 ڈگری
محسوس کی جارہی ہے اور ہوامیں نمی کا تناسب 15 فیصد سے بھی کم ریکارڈ کیا
گیا۔ سمندری ہوائیں بند ہیں، شدید حبس اور گرمی کے باعث شہریوں کا جینا
عذاب ہوگیا ہے۔
شدید گرمی، ہوا، پانی کی بندش اورکے الیکٹرک کی جانب سےفنی خرابیوں کے نام
پر طویل اور غیر اعلانیہ لوڈشیڈنگ نے رمضان المبارک کے ابتدائی ایام میں
لوگوں کیلئے مشکلات بڑھادیں۔ گرم موسم کے باعث شہر میں ویرانی اور سڑکوں پر
سناٹا چھایاہوا ہےشہریوں نے گرمی سے بچنے کیلئے خود کو گھروں تک محدود
کرلیاہے۔
محکمہ موسمیات19 سے23مئی تک ہیٹ ویو الرٹ جاری کرچکا ہے، گزشتہ روز بھی
کراچی کا درجہ حرارت 42 ڈگری سینٹی گریڈ ریکارڈ کیا گیا تھا۔ طبی ماہرین نے
شہریوں کو دھوپ میں جانےسے گریز کرنےکامشورہ دیتے ہوئے کہا ہے کہ اگر
مجبوراً جانا بھی پڑے تو چھتری استعمال کریں اورسرپرگیلاکپڑارکھیں۔ جب کہ
صوبائی حکومت نے صورت حال سے نمٹنے کیلئے کراچی کی مقامی انتظامیہ کو خصوصی
ہدایت کررکھی ہیں اس کے علاوہ ہیٹ اسٹروک کے پیش نظر شہر کے سرکاری
ہسپتالوں میں ایمر جنسی نافذ ہے۔
دوسری جانب اندرون سندھ کے بھی کئی علاقوں میں شدید گرمی کی لہر برقرارہے،
چھور میں درجہ حرارت 46 ڈگری سینٹی گریڈ، مٹھی میں 43، حیدرآباد میں 42،
بدین میں 41، سکھر میں 41، دادو میں 41، لاڑکانہ میں 40ڈگری سینٹی گریڈ
ریکارڈ کیاگیا۔
اس موقع پر ایک شہر ی اسحاق نے ذررائع ابلا غ عامہ کے نمائند ؤں سے گفتگو کرتےہوئے کہا
شہری اشرف نے کہا
عبد الزیزنے میڈ یا کے نمائند ے سے گفتگو کرتے ہوئے کہا
توفیق نے کہا