May 20, 2018 09:21 pm
views : 431
Location : Pakistan Navy Installaments
Karachi- Vice Charmian Chinese Military Commission visits Pakistan Navy Installations
کراچی ، چینی ملٹری کمیشن کے وائس چیئرمین کا پاک بحریہ کی تنصیبات کا دورہ
چین کے سینٹرل ملٹری کمیشن کے وائس چیئرمین جنرل چانگ یوشا کی کراچی آمد، پاک بحریہ کی تنصیبات کا دورہ کیا ۔
ترجمان پاک بحریہ کے مطابق جنرل چانگ یوشا کی کراچی آمد کے موقع پر کمانڈر کراچی ریئر ایڈمرل آصف خالق نے ان کا استقبال کیا۔
چین کے سینٹرل ملٹری کمیشن کے وائس چیئرمین کی پاک بحریہ کے جہاز پر آمد
کے موقع پر وائس چیف آف نیول اسٹاف وائس ایڈمرل کلیم شوکت نے ان کا
استقبال کیا۔ اس موقع پر بحری جہاز پر پاک بحریہ کے چاق و چوبند دستے نے
معزز مہمان کو سلامی پیش کی۔
ترجمان پاک بحریہ کے مطابق چین کے سینٹرل ملٹری کمیشن کے وائس چیئرمین نے
پاکستان کو چین کے ہر مشکل دور کا دوست ملک قرار دیا۔ انہوں نے نے پاک
بحریہ کے افسران اور جوانوں کی پیشہ ورانہ صلاحیتوں کو سراہا۔
جنرل چانگ یوشا نے کہا کہ ان کا یہ دورہ پاکستان دونوں ممالک کے دوستانہ تعلقات کو مزید مستحکم کرنے میں اہم سنگ میل ثابت ہو گا۔