Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Mar 11, 2018 08:22 pm views : 649

Rawalpindi- PML N Maryam Nawaz Addresses

راولپنڈی، نواز شریف اقدار کی سیاست کرتاہے اقتدار کی نہیں،مریم نواز

مسلم لیگ (ن) کی رہنما مریم نواز کا کہنا ہے کہ چھپ کر وار کرنے والے گیدڑ ہوتے ہیں اور گیدڑوں کے ڈر سے شیروں کے قافلے نہیں رکتے۔
راولپنڈی کے فوارہ چوک پر جلسہ نما ورکرز کنونشن سے خطاب کرتے ہوئے مریم نواز نے کہا کہ عوام کی نواز شریف سے محبت میں شدت کی وجہ پتہ ہے اور معلوم ہے کہ آپ کے لیڈر کے ساتھ جو کیا گیا اس کا دکھ ہے،مریم نواز نے کارکنان کو مخاطب کرتے ہوئے کہا کہ نا آپ کا لیڈر دھرنوں سے پیچھے ہٹا اور نا سازشوں سے تاہم اب مخالفین اوچھے ہتھکنڈوں پر اتر آئے ہیں۔
مریم نواز نے کہا کہ گیدڑوں کے ڈر سے شیروں کے قافلے نہیں رکتے، شیروں کا مقابلہ جوتوں سے نہیں ہو سکتا اور گیدڑوں کے بزدلانہ وار کو سینے پر لینے والا نواز شریف ہوتا ہے،سابق وزیراعظم نواز شریف کی صاحبزادی نے کہا کہ اوچھے ہتھکنڈوں پر تب ہی اترتے ہیں جب دلیل ختم ہوجاتی ہے، یاد رکھنا دشمن ہار مان چکا ہے۔
عمران خان کا نام لیے بغیر انہیں تنقید کا نشانہ بناتے ہوئے مریم نواز نے کہا کہ 'ایک مذمتی بیان دینے سے سمجھتے ہو کہ لوگ تمہیں معاف کردیں گے، تم نے 4 سال شرمناک کلچر پروموٹ کیا، کس نے کہا تھا کہ وزیراعظم ہاؤس سے انہیں گردن سے پکڑ کے باہر نکالو،مریم نواز نے مزید کہا کہ اس انسان کا نام لینے کی ضرورت نہیں اور وہ لیڈر کہلانے کا حقدار نہیں جس کی سوچ، زبان اور فیصلے اپنے نا ہوں۔
مریم نواز نے عمران خان کا نام لیے بغیر کہا کہ 2013 کے عام انتخابات میں راولپنڈی کے عوام نے ایک شخص کو ووٹ دیکر منتخب کیا لیکن اس شخص نے مڑ کر اس اپنے حلقے کا حال نہیں پوچھا، راولپنڈی میں تمام ترقیاتی کام مسلم لیگ (ن) نے کرائے، تمہارے (عمران خان) کے پاس 5 سال کی کارکردگی بتانے کیلیے ہے ہی کیا؟انہوں نے کہا کہ بیانیہ صرف الفاظ یا جذبات نہیں ہوتے، اس کے پیچھے 5 سال کی انتھک محنت ہوتی ہے، 2018 کے الیکشن میں انگلی کی سیاست کرنے والوں کو دفن کر دیں گے، مریم نواز نے کہا کہ تمہارے پاس ووٹ ڈالنے کے لیے انگوٹھے کی طاقت نہیں ہے اور 2018 کے الیکشن میں انگلی کی سیاست کرنے والوں کو دفن کر دیں گے،انہوں نے کہا کہ تمہارے پاس 5 سالوں کے دوران دھرنے اور ہارس ٹریڈنگ ہے جبکہ نواز شریف بکتاہے نہ بکنے دیتاہے۔
ان کا کہنا تھا کہ مسلم لیگ (ن) کے لیڈر سے پلاننگ کے تحت جو کیا جا رہا ہے وہ آپ کے لیڈر کی سیاست نہیں بلکہ نواز شریف اقدار کی سیاست کرتاہے اقتدار کی نہیں۔