کراچی:نواز شریف کی دوسری بار نااہلی کے حوالے سے مقامی صحافیوں کی رائے
سپریم کورٹ کی جانب سے نواز شریف کو وزیر اعظم کی حیثیت سے نااہل قراردینے
کے بعد پارٹی صدارت سے بھی نا اہل قرار دینے پر کراچی کے مقامی صحافیوں نے
اپنے اپنے خیالات کا اظہا ر کیا ۔
اس حوالے سے ایک مقامی صحافی نے ذرائع ابلاغ عامہ کے نمائندے سے گفتگو کر
تے ہوئے کہا کہ عدالت کا فیصلہ اٹل ہو تا ہے جس کے فیصلے کا احترام کرنا
چاہئے لیکن نا اہل وزیر اعظم عدالتی فیصلے کا احترام کرنے کے بجائے گزشتہ
کئی ماہ سے عدالتی فیصلوں کے خلاف بیان بازیاں کر کے توہین عدالت کے مرتکب
ہورہے ہیں جس کی وجہ سے ہم یہ کہیں گے کہ عدالت کا فیصلہ درست ہے۔
صحافی نے کہا کہ نواز شریف کو پہلے ہی وزیر اعظم کی حیثیت سے نا اہل قرار
دیا جا چکا تھا تو وہ خود ہی پارٹی صدارت کی کوشش نہیں کرتے جس کا انہیں
پتا تھا آخر کا انہیں ڈبل نااہلیت کا ٹھپہ لگوانا پڑا۔
ایک اور مقامی صحافی اقبال سواتی نے کہا کہ عدالت نے بہت اچھا فیصلہ دیا
ہے، جسے پورا ملک سراہے گا، ایسے فیصلے سیاست دان اور عوام کیلئے سبق ہیں
اسلئے میں یہ کہوں گا کسی بھی پارٹی کارکن ،سربراہ یا عام آدمی کو عدالتوں
کے فیصلوں پر تنقید نہیں کر نی چاہئے جس سے کسی کی دل آزاری ہو اور اداروں
میں تصادم پیدا ہو۔
اس موقع پر ایک اور مقامی صحافی نے اپنی رائے کا اظہار کرتے ہوئے کہا کہ
نواز شریف پر ابھی کئی کیس چل رہے ہیں جو کہ مکمل نہیں ہوئے اور انکے فیصلے
بھی نہیں آئے اس لئے انہیں فی الحال پارٹی صدارت سے نااہل قرار نہیں دینا
چاہئے تھا کیونکہ ماضی میں بھی کسی کے خلاف ایسے فیصلے نہیں کئے گئے ۔
صحافی نے مزید کہا کہ ایسے فیصلے کرنا عدالت کا کام نہیں ہے یہ آئندہ الیکشن میں عوام خود ہی کر دیتی کون نا اہل ہے اور کون اہل۔