Feb 13, 2018 08:37 pm
views : 680
Location : Hashmanis Hospital
Karachi- Chairman Hashmanis Medical Welfare Foundation renowned eye surgeon Dr. Sharif Hashmani Press Conference
کراچی ، ٹھٹھہ میں میڈیکل کیمپ کے دوران 80 فیصد مریضوں میں ہیپاٹائٹس بی اور سی کا انکشاف
ہاشمانی ز میڈیکل ویلفیئر فاؤنڈیشن کے تحت ٹھٹھہ میں منعقدہ دو روزہ مفت
میڈیکل اینڈ سرجیکل کیمپ میں دوران ٹیسٹ 80 فیصد مریضوں میں ہیپاٹائٹس بی
اور سی کا انکشاف ہوا ہے۔20 فیصد مریض ذیابیطس میں مبتلا پائے گئے ہیں۔
کیمپ کے دوران 123مریضوں کے موتیا کے مفت آپریشن کیے گئے۔
ہاشمانی ز میڈیکل ویلفیئر فاؤنڈیشن کے چیئرمین و آئی سرجن ڈاکٹر شریف
ہاشمانی نے ہاشمانی ز اسپتال میں پریس کانفرنس کے دوران کہا کہ کیمپ ٹھٹھہ
کے قادر بخش بھٹو ٹرسٹ اسپتال میں منعقد ہوا جس میں 1100 سے زائد مریضوں کا
معائنہ اور 500سے زائد کے لیبارٹری ٹیسٹ کیے گئے۔
ڈاکٹر شریف ہاشمانی نے بتایا کہ اس دوران مریضوں کی مختلف موتیا سمیت
ہیپاٹائٹس پروفائل، کولیسٹرول اور ذیابیطس کی اسکریننگ بھی کی گئی۔
500مریضوں کے لیبارٹری ٹیسٹ میں 80فیصد مریضوں میں ہیپاٹائٹس بی اور سی کے
مرض کی تشخیص ہوئی ہے۔
ڈاکٹر شریف ہاشمانی نے کہا کہ یہ انتہائی تشویشناک صورت حال ہے، ارباب
اختیار کچھ کریں،یہاں جلد آنکھوں کی بیماریوں کا مفت اسپتال قائم کریں گے۔
کیمپ کے دوران 123مریضوں کے موتیا کے مفت آپریشن کیے گئے۔
ڈاکٹر شریف ہاشمانی نے بتایا کہ ہاشمانی ز میڈیکل ویلفیئر فاؤنڈیشن کی جانب
سے ٹھٹھہ کے غریب عوام کی سہولت کے لیے بہت جلد آنکھوں سمیت دیگر بیماریوں
کا فلاحی اسپتال قائم کیا جائے گا جہاں لوگوں کی عزت نفس مجروع کیے بغیر
انہیں مقامی اور کراچی سے آنے والے سینئر ماہر سرجنز اور فزیشنز سے علاج کی
سہولیات فراہم کی جائیں گی۔
چیئرمین ہاشمانی ز میڈیکل ویلفیئر فاؤنڈیشن نے کہا کہ کسی بھی بیماری کی
بروقت تشخیص اس کے مکمل علاج کے لیے انتہائی ضروری ہے۔ غریب عوام مالی سکت
نہ ہونے کے باعث اسپتالوں کا رخ نہیں کرتے اور اپنی بیماری بڑھاتے رہتے ہیں
پھر جب بیماری شدید یا لاعلاج ہو جاتی ہے اور موت کے قریب پہنچ جاتے ہیں
تو تب بڑے اسپتال آتے ہیں۔ٹھٹھہ میں اسپتال کے لیے قادربخش بھٹو ٹرسٹ کے
روح رواں قادر بخش بھٹو نے ہائی وے پر واقع اپنی عمارت فراہم کر دی ہے جس
پر وہ ان کے شکرگزار ہیں۔