کراچی،پہلے بھی کڑوے گھونٹ پئے ہیں،تنظیم کو مجتمع رکھنے کے لئے جو بن پڑا کریں گے،فیصل سبزواری
ایم کیو ایم پاکستان کے مرکزی رہنما فیصل سبزواری نے کہا ہے کہ ایم کیو ایم
سے ہمارا لگاؤ دیگر جماعتوں سے مختلف ہے تاہم ہم کوئی بڑا قدم نہیں اٹھانا
چاہتے,کارکنان جماعت کو اون کرتے ہیں اور اس سے قائدین کی ذمہ داریاں بڑھ
جاتی ہیں۔
ایم کیو ایم پاکستان کے مرکز بہادر آباد پر ذرائع ابلاغ عامہ کے نمائندوں
سے گفتگو کرتے ہوئے فیصل سبزواری کا کہنا تھا ہم کوئی بڑا قدم نہیں اٹھانا
چاہتے، کوشش ہے اندرونی تنازعات کو مل بیٹھ کر حل کیا جائے،ہم عدم تشدد کی
سیاست پریقین رکھتے ہیں۔
فیصل سبزواری کا کہنا تھا کہ رابطہ کمیٹی نے فاروق ستار سے بات کرنے کے لیے
3 رکنی کمیٹی بنادی ہے جس میں رابطہ کمیٹی کے رکن عبدالرؤف صدیقی، سردار
احمد اور مرکزی رہنما جاوید حنیف شامل ہیں، تینوں رہنماؤں کو فاروق ستار کے
ساتھ ملاقات کے لیے بھیجا ہے جو رابطہ کمیٹی کا منظور کردہ ایجنڈا فاروق
ستار کے سامنے رکھیں گے، ہماری نیک نیتی کے ساتھ خواہش ہے کہ فاروق ستار
رابطہ کمیٹی کا ایجنڈا سننے کے بعد اس سے اتفاق کریں۔
فیصل سبزواری کا کہنا تھا کہ وفد کو دیاگیا مینڈیٹ میڈیاپربتانامناسب نہیں
ہے،رابطہ کمیٹی 2016 سے ایک بات پرقائم ہے،پہلے رائے رابطہ کمیٹی دیتی تھی
اور فیصلے لندن سے ہوتے تھے جب کہ اب رابطہ کمیٹی خود فیصلےکرتی ہے، سینیٹ
انتخابات کے لیے ہماری تیاری مکمل ہے اور ہم سیاسی انتہاپسندی کےقائل نہیں،
انہوں نے کہا کہ ہم عدم تصادم اورعدم تشدد کی پالیسی پرعمل کرتےہیں اور
ایم کیوایم رابطہ کمیٹی کا کوئی ذاتی ایجنڈا نہیں ۔
فیصل سبزواری کا مزید کہنا تھا کہ ایم کیوایم رابطہ کمیٹی کا کوئی ذاتی
ایجنڈا نہیں ہے اور سینیٹ انتخابات کے لیے ہماری تیاری مکمل ہے، تین ساتھی
گئے ہیں توقع ہے مثبت نتیجہ نکلے گا ،خدانخواستہ اگر کوئی رکاوٹ آئی تو جو
بھی بن پڑا کریں گےتنظیم کو مجتمع رکھنے کے لئےپہلے بھی کڑوے ہیں تاہم اس
بات کو بھی ایم کیو ایم کے کارکنان ووٹرز خاطر جمع رکھیں تنظیم مضبوط ہوگی
توہی کامیاب ہوگی۔