پشاور ،شہریوں کا زینب کے قاتل کو پھانسی دینے کا مطالبہ
پشاور کے شہریوں نے قصور میں سات سالہ زینب کے قتل کی شدید الفاظ میں مذمت
کی ہے جبکہ حکومت سے قاتل کو عبرت ناک سزا دینے کا بھی مطالبہ کیا ہے
شہریوں کا کہنا ہے کہ حکومت کو اپنے پروٹوکو ل کی تو بہت فکر ہوتی ہے لیکن
زینب کے قتل پر احتجاج کرنے والوں پر گولیا ں چلائی جاتی ہیں حکومت کوصرف
اپنی پرواہ ہے عوام کا انہیں کوئی خیال نہیں ہے اسلئے ہم یہ ہی کہیں گے کہ
یہ نااہل لوگ ہیں جو حکومت کرنے کے قابل نہیں ہیں،پنجاب حکومت کو چاہئے کہ
بچوں کو تحفظ فراہم کرے۔
اس سلسلے میں ایک شہری نیاز محمد نے ذرائع ابلا غ عامہ کے نمائندے سے گفتگو
کر تے ہوئے کہا کہ زینب کے ساتھ زیادتی کرنے والے بندے کو پہلے تو پھانسی
دی جائے پھر دو تین ماہ کیلئے اسے اسلام آباد میں لٹکا دیا جائے اور اس پر
لکھا جائے کہ اس نے یہ جرم کیا ہے،ایسے جرائم کا سوچنے والے اس شیطان کو
دیکھ کر عبرت حاصل کریں۔
ایک اور نوجوان شہری ظہور خان نے کہاکہ قصور میں بہت شرم ناک واقعہ ہواہے
2015میں بھی ایسا ایک واقعہ ہوا تھاجس میں 220بچوں کے ساتھ زیادتی ہوئی تھی
اس وقت نواز شریف نے جے آئی ٹی بنائی تھی مگر اس سے کچھ بھی نہیں ہوا۔
شہری نے کہا کہ رانا ثنا ءِ اللہ نے کہا کے میڈیا اس کو زیادہ نہیں پھیلائے
، اگر نواز شریف یا رانا ثنا ءِ اللہ کے ساتھ ایسا ہوا ہوتا تو پھر کیا یہ
لوگ ایسے بیانات دیتے ، شہباز شریف زینب کے گھر آیا تو پانچ سو پولیس
اہلکار اسکے ساتھ تھے جبکہ زینب کے واقعہ پر احتجاج کرنے پر پولیس نے دو
افراد کو ماردیا۔
نوجوان نے مزید کہا کہ اس سے تو یہ ظاہر ہوتا ہے کہ انہیں صرف اپنی پرواہ
ہے عوام کا انہیں کوئی خیال نہیں ہے اسلئے ہم یہ ہی کہیں گے کہ یہ نااہل
لوگ ہیں جو حکومت کرنے کے قابل نہیں ہیں۔
اس موقع پرایک اور شہری طارق خان کا کہنا تھا کہ زینب کے ساتھ جو واقعہ پیش
آیا اسکی بہت مزمت کرتے ہیں ، بچوں کے ساتھ ایسا نہیں کر نا چاہئے یہ بہت
بڑا ظلم ہواشہری نے کہا کہ پنجاب حکومت کو چاہئے کہ بچوں کو تحفظ فراہم
کرے۔