Jan 12, 2018 04:16 pm
views : 674
Location : Baluschistan Assembly
Quetta- CM Baluchistan, Nomination papers to be submitted
کوئٹہ ، بلوچستان کا نئے وزیراعلیٰ کا انتخاب: قدوس بزنجو نے کاغذات جمع کرادیئے
بلوچستان کے نئے وزیر اعلیٰ کے انتخاب کیلئے کاغذات نامز د گی حاصل کرنے کا
سلسلہ شروع ہوگیا ، وزیر اعلیٰ کا انتخاب کل صوبائی اسمبلی میں ہوگا۔
بلوچستان اسمبلی سے کاغذات نامزدگی برائے انتخاب وزیر اعلیٰ شروع ہو گیا ہے
،کاغذات صبح 9بجے تا سہ پہر 3بجے کے دوران سیکر یٹر ی اسمبلی کے دفتر سے
حاصل کئے اور جمع کرائے جائیں گئے جس کی اسکر وٹنی کے بعدحتمی فہرست جار ی
کر دی جائے گی۔
اسمبلی سیکر یٹریٹ کےمطابق کل بروز ہفتہ صبح 10بجے منعقد ہو نے والے صوبائی
اسمبلی کے اجلاس میں وزیراعلیٰ کا انتخاب عمل میں لایا جائے گا۔
صوبے میں نئے قائد ایوان کے لیے مسلم لیگ (ق) کے عبدالقدوس بزنجو نے کاغذات نامزدگی جمع کرادیئے۔
گذشتہ روز بلوچستان اسمبلی میں نواب ثناء اللہ زہری کو وزیراعلیٰ کے عہدے
سے استعفیٰ دینے پر مجبور کرنے والے مسلم لیگ (ن) کے ناراض اراکین اور (ق)
لیگی ارکان صوبائی اسمبلی نے نئے وزیراعلیٰ کے لیے عبدالقدوس بزنجو کو اپنا
امیدوار نامزد کیا تھا۔
اس سے قبل نئے وزیراعلیٰ بلوچستان کے لیے مسلم لیگ (ن) کی طرف سے ممکنہ طور
پر جان محمد جمالی اور صالح بھوتانی کے نام سامنے آ رہے تھےتاہم جان محمد
جمالی نے ناراض لیگی رہنماؤں کے ہمراہ پریس کانفرنس کرتے ہوئے کہا کہ مسلم
لیگ (ق) کے رہنما عبدالقدوس بزنجو وزیراعلیٰ بلوچستان کے لیے ہمارے متفقہ
امیدوار ہیں۔
یاد رہے کہ رواں ہفتے نواب ثناء اللہ زہری نے اپنے خلاف تحریک عدم اعتماد
پیش ہونے سے قبل ہی وزیراعلیٰ بلوچستان کے عہدے سے استعفیٰ دے دیا تھا۔
وزیراعظم شاہد خاقان عباسی نے بھی بلوچستان کی سیاسی صورت حال کے پیش نظر
کوئٹہ کا ہنگامی دورہ کیا تھا تاہم باوجود کوشش کہ (ن) لیگ کے ناراض اراکین
نے وزیراعظم سے ملنے سے انکار کردیا تھا۔