اسلام آباد،مسلم لیگ (ن) کی حکومت نے اپنی مثبت پالیسیوں سے بجلی بحران پر قابو پایا،وزیر اعظم
وزیراعظم شاہد خاقان عباسی کا کہنا ہے کہ مسلم لیگ (ن) کی حکومت نے اپنی
مثبت پالیسیوں سے بجلی بحران پر قابو پایا، ہمارے پاس گیس سے چلنے والے
اچھی کارکردگی کے حامل پلانٹس ہیں, بجلی کی پیداواری لاگت کم کرنے پر کام
کررہے ہیں، نیٹ میٹرنگ سے بجلی کی طلب و رسد پورا کرنے میں مدد ملے گی
اورسے سستی توانائی میسر آئے گی, اس نظام سے لائن لاسز میں بھی کمی ہوگی۔
اسلام آباد میں کامسیٹس میں نیٹ میٹرنگ فریم ورک کی افتتاحی تقریب سے خطاب
میں وزیراعظم شاہدخاقان عباسی نے کہا کہ نیٹ میٹرنگ ایک نیا تصور ہے جو
توانائی کے شعبے کا سنگ میل ہے، نیٹ میٹرنگ سے بجلی کی طلب و رسد پورا کرنے
میں مدد ملے گی، نیٹ میٹرنگ کے لئے بڑے پیمانے پر آلات درآمد کئے گئے ہیں،
نیٹ میٹرنگ کے نظام سے لائن لاسز میں کمی ہوگی, نیٹ میٹرنگ سے سستی
توانائی میسر آئے گی انفرادی طور پر بجلی پیدا کرنے والے فالتو بجلی حکومت
کو فروخت کرسکیں گے 2013 میں توانائی کی طلب اور رسد میں واضح فرق تھا۔
شاہد خاقان عباسی نے مزید کہا کہ مسلم لیگ (ن) کی حکومت نے اپنی مثبت
پالیسیوں سے بجلی بحران پر قابو پایا نیٹ میٹرنگ سے نہ صرف آج بلکہ مستقبل
کے بجلی مسائل بھی حل ہوں گے، ہمارے پاس گیس سے چلنے والے اچھی کارکردگی کے
حامل پلانٹس ہیں ہوا سے بھی بجلی پیدا کرنے کے منصوبے لگے ہوئے ہیں بجلی
کی پیداواری لاگت کم کرنے پر کام کررہے ہیں، نیٹ میٹرنگ کے نظام میں ترقی
کے وسیع مواقع موجود ہیں، نیٹ میٹرنگ فریم ورکنگ کے آغاز پر وزارت توانائی
اور کامسیٹس مبارکباد کے مستحق ہیں، ہمارے پاس گیس سے چلنے والے پاور
پلانٹس اچھی حالت میں ہیں، اس کے علاوہ بجلی کی پیداواری لاگت کم کرنے پر
کام کر رہے ہیں جب کہ حکومت کی مثبت پالیسیوں نے لوڈشیڈنگ بحران پر قابو
پایا۔