Jan 02, 2018 03:53 pm
views : 657
Location : Governor House
Karachi- Governor Sindh Muhammad Zubair meets All City Tajir Ittehad Delegation
کراچی ،گورنر سندھ محمد زبیر سے آل سٹی تاجر اتحادکے وفد کی ملاقات
کراچی میں گورنر سندھ محمد زبیر سے گورنر ہاؤس میں آل سٹی تاجر اتحادکے وفد
نے ملاقات کی ۔ وفد کی سربراہی آل سٹی تاجراتحاد کے صدر حماد پونا والا نے
کی۔
ترجمان گورنر ہاؤس کے مطابق ملاقات میں امن و امان ،کراچی میں تجارتی
سرگرمیوں کے فروغ کے لئے اٹھائے گئے اقدامات ، انفرااسٹرکچر کی بحالی و
ترقی ، نکاسی و فراہمی آب کے منصوبے ، تاجروں کے مسائل ، درپیش مشکلات اور
حائل رکاوٹوں سمیت اہمیت کے حامل دیگر امور پر تفصیلی تبادلہ خیال کیا گیا ۔
اس موقع پر گورنر سندھ محمد زبیر نے کہا امن و امان کے قیام میں تسلسل کے
لئے رینجرز تعینات رہے گی۔ پاک فوج ، رینجرز ، پولیس اور دیگر قانون نافذ
کرنے والے اداروں کی قربانیوں کو کسی بھی صورت ضائع نہیں ہو نے دینگے۔بڑے
جرائم کے خاتمہ کے بعد اسٹریٹ کرائمز کی روک تھام پر بھرپور توجہ مرکوز ہے۔
محمد زبیر نے کہا امن و امان کے قیام کے بعد شہر میں معاشی ، اقتصادی ،
سماجی تجارتی ، ثقافتی اور دیگر سرگرمیاں جاری ہیں۔ کراچی ایک بار پھر
روشنیوں کا شہر بن گیا ہے جہاں رات گئے تک کاروبار زندگی رواں دواں رہتا
ہے۔ 2013 ء میں سب سے زیادہ مشکلات کا سامنا تاجر برادریوں کو کرنا پڑا۔
گورنر سندھ محمد زبیر نے کہا مشکل حالت کے باوجود تاجروں نے اپنی تجارتی
سرگرمیوں کو جاری رکھا۔ قوم تاجروں کے بلند حوصلہ ، بہادری اور خدمات کو
قدر کی نگاہ سے دیکھتی ہے۔ آج کا پاکستان پر امن اور معاشی خوشحالی کی سمت
گامزن ہے۔پاکستان کی معاشی شہ رگ کراچی میں معاشی ،ا قتصادی اور تجارتی
سرگرمیوں کے فروغ میں تاجروں کا کردار ناقابل فراموش ہے۔ تاجروں کے مسائل
اور درپیش مشکلات کے خاتمہ کے لئے وفاق ہر ممکن تعاون ، مدد اور معاونت
فراہم کررہا ہے۔ تجارتی علاقوں میں انفرااسٹرکچر کی بحالی و ترقی کے لئے
بھرپور اقدامات کو یقینی بنایا جارہا ہے۔کراچی ترقیاتی پیکج میں بھی تجارتی
علاقوں میں نکاسی و فراہمی آب اور انفرااسٹرکچر کی بحالی و ترقی کو خصوصی
اہمیت حاصل ہے۔
آل سٹی تاجر اتحاد کے صدر حماد پونا والا نے کہا شہر کی 200 سے زائد
مارکیٹیں اور 70 فیصد سے زائد تاجر ہمارے ممبر ز ہیں۔ مسائل ، حائل رکاوٹوں
اور درپیش مشکلات کے حل کے لئے قائم کئے جانے والا پلیٹ فارم کو تاجروں کا
بھرپو اعتماد بھی حاصل ہے۔ شہر میں امن و امان کے قیام میں وفاقی حکومت کی
کاوشیں قابل تحسین ہیں اسی وڑن سے ہی ملک معاشی خوشحالی کی سمت گامزن ہے۔