Dec 14, 2017 04:37 pm
views : 511
Location : President House
Islamabad- President Mamnoon Hussain meets Outgoing Turkish Ambassador
اسلام آباد،صدر مملکت ممنون حسین سے ترکی کے سبکدوش ہونے والے سفیر صادق بابر گرگن کی ملاقات
اسلام آباد میں صدر مملکت ممنون حسین سے ترکی کے سبکدوش ہونے والے سفیر
صادق بابر گرگن نے ملاقات کی ۔ اس موقع پر وزارت خارجہ کے اعلیٰ حکام بھی
موجود تھے۔
ترجمان ایوان صدر کے مطابق صدر مملکت ممنون حسین نے کہا ہے کہ اسلامی امّہ
نے فلسطین میں پیدا ہونے والی نئی صورت حال کا انتہائی موثر اور مناسب جواب
دیا ہے جس کی مدد سے مسئلہ فلسطین کے حل میں مدد ملے گی۔
صدر مملکت نے کہا کہ ترکی کے صدر رجب طیب اردوآن ایک بڑے مدبر اور وڑنری
لیڈر ہیں۔ اسلامی تعاون تنظیم ان کی قیادت میں فعال کردار ادا کر رہی ہے۔
ممنون حسین نے کہا کہ مسلم امہ کے مسائل سے متعلق صدر اردوآن کا موقف
انتہائی جرات مندانہ اور موثر ہے۔انھوں نے کہا کہ فلسطین ، کشمیر اور
روہنگیا کے بحرانوں جیسے معاملات میں پاکستان اور ترکی کا موقف یکساں ہے
اور دونوں برادر ملک باہمی تعاون سے ان مسائل کے حل میں فعال کردار ادا
کررہے ہیں۔
صدر مملکت نے کہا کہ ترک سفیر صادق بابر گرگن نے اپنی محنت ، قابلیت اور
حسن اخلاق سے پاکستانیوں کے دل جیت لیے اور ان کے دور میں پاک ترک تعلقات
نئی بلندیوں پر پہنچ گئے۔
صدر مملکت ممنون حسین نے سبکدوش ہونے والے سفیر کی ترقی و خوشحالی کے لیے
دعا کی اور کہا کہ وہ صدر اردوآن ، ترک حکومت اور عوام تک ان کی نیک
خواہشات پہنچا دیں۔
ترک سفیر صادق بابر گرگن نے اس موقع پر کہا کہ پاکستان میرے لیے گھر کی طرح ہے۔ یہاں کے عوام نے انھیں بے پناہ محبت سے نوازا ہے۔