لاہورڈاکٹر طاہر القادری کے ساتھ ہیں،شریف خاندان کی سیاست ہمیشہ ہمیشہ کیلئے ختم ہوگی،شیخ رشید
عوامی مسلم لیگ کے رہنما شیخ رشیدکا کہنا ہے کہ ڈاکٹرطاہرالقادری نے ظلم و
بربریت کے خلاف آدھی جنگ جیت لی ہے اور وہ اب بھی میدان میں ہیں اور ہم
ہرقدم پر ان کے ساتھ ہیں، کل سے شریف برادارن کے خلاف اہم کیسز کھل رہے ہیں
جن میں حدیبیہ ملز، پاناما، ایل این جی اور نااہلی کیس شامل ہیں اب حکومت
جو مرضی ہے کرلے یہ سب 30 مارچ سے پہلے باہر ہوں گے ۔
ڈاکٹر طاہرالقادری سے ملاقات کے بعد ذرائع ابلاغ عامہ کے نمائندوں سے
گفتگو کرتے ہوئے شیخ رشیدنے کہا کہ جرم ثابت ہونے پر استعفیٰ دینا عزت
داروں کا کام ہے دنیا میں اس طرح کی درجنوں نہیں سیکڑوں مثالیں ملتی ہیں
لیکن یہ لوگ شرافت و دیانتداری کے ساتھ خود کو پیش نہیں کررہے کیوں کہ
لاتوں کے بھوت باتوں سے نہیں مانتے اور بعض لوگوں کی قسمت میں ہی ذلیل و
رسوا ہوکر جانا لکھا ہوتا ہے۔
سربراہ عوامی مسلم لیگ نے کہا کہ میں پہلے ہی کہتا تھا کہ سپریم کورٹ سمیت
دیگر عدالتوں سے کرپٹ اور قاتلوں کا ثبوتوں سمیت تابوت نکلے گا میری بات سچ
ثابت ہوئی اور اب کہتا ہوں کہ ملک سے ظالموں، چوروں، قاتلوں اور خائن
افراد کی سیاست کا خاتمہ ہونے جارہا ہے ، طاہر القادری انتخابات کے لئے
الائسنز کو پسِ پشت ڈال کر ظلم کے خلاف اکٹھے ہونے کی دعوت دینے جارہے ہیں
سانحہ ماڈل ٹاؤن پر تمام سیاسی جماعتیں مائنس نوازشریف فارمولے پر ایک ساتھ
کھڑی ہیں، انہوں نے کہا کہ ہم نے کے قدم سے قدم ملا کر کھڑے ہیں۔
اس موقع پرعوامی مسلم لیگ کے سربراہ شیخ رشید نےکہا کہ ظلم انجام کو پہنچتا
ہے،ڈاکٹر طاہر القادری کے ساتھ ہیں،شریف خاندان کی سیاست ہمیشہ ہمیشہ
کیلئے ختم ہوگی،انہوں نے کہا کہ یہ 30مارچ سے پہلے پہلے کک آؤٹ ہو جائیں
گے۔
شیخ رشید نے مزید کہا کہ سپر پاور کو خوش کرنے کے لئے ناموس رسالت قانون
میں تبدیلی کی کوشش کی گئی اور آج نواز شریف خود باہر ہوگئے ہیں، دنیا کی
کوئی طاقت انہیں انجام تک پہنچنے سے نہیں روک سکتی، شکر ہے چوہدری نثار کو
بھی بولنے کا موقع ملا، ان سب کی زبانیں شیخ رشید کے خلاف بول رہی ہیں، شیخ
رشید حق کے ساتھ کھڑا ہے۔