Nov 18, 2017 07:40 pm
views : 860
Location : Dar-Ul-Uloom Naeemia Mosque
Karachi- Chairman Roohat-e-Hilal Committee Mufti Muneeb-ur-Rehman Press Conference
کراچی ، حکومت کا بااختیار وفد دھرنے والوں سے مذاکرات کرے اور ان کے خلاف سخت ایکشن لینے کا نہ سوچے، مفتی منیب الرحمان
معروف عالم دین اور رویت ہلال کمیٹی پاکستان کے چیئرمین مفتی منیب الرحمان
کا کہنا ہے کہ حکومت کا بااختیار وفد دھرنے والوں سے مذاکرات کرے اور ان کے
خلاف سخت ایکشن لینے کا نہ سوچے۔
کراچی میں دارلعلوم نعیمیہ فیڈرل بی ایریا میں پر یس کانفر نس سے خطاب
کرتے ہوئے چیئرمین رویت ہلال کمیٹی مفتی منیب الرحمان کا کہنا تھا کہ اسلام
آباد میں دینی جماعتوں کے دھرنے سے عوام کی مشکلات کا احساس ہے لیکن ان کا
دھرنا اور مطالبات بالکل جائز ہیں جبکہ ان کی قیادت ختم نبوت قانون بحال
ہونے پر مطمئن ہے۔
مفتی منیب الرحمان کا کہنا تھا کہ دھرنے میں موجود مظاہرین کسی سیاسی جماعت
کی اجرت پر لائے ہوئے لوگ نہیں بلکہ ختم نبوت پر کامل یقین رکھنے والے
مسلمان ہیں، حکومت ان کے خلاف کسی سخت ایکشن لینے کا نہ سوچے بلکہ ایک
بااختیار وفد مذاکرات کے لئے جائے اور ان کے مطالبات کو تسلیم کرے تاہم کسی
عالم یا مشائخ کو دھرنے والوں سے مذاکرات کا اختیار نہیں ہے، جب کہ
مظاہرین سے بھی اپیل ہے کہ وہ درمیانی راستہ اپنائیں۔
چیئرمین رویت ہلال کمیٹی مفتی منیب الرحمان نے مزید کہا کہ میڈیا دینی
جماعتوں کو کوریج نہیں دیتا، جبکہ پیمرا رمضان میں ناچ گانے اور دین کا
تماشا بنانے والے پروگرامات کو بھی روکے۔