لاہور ، وزیراعلیٰ محمد شہبازشریف سے سعودی عرب کے سفیر نواف سعید المالکی کی ملاقات
لاہور میں وزیراعلیٰ محمد شہبازشریف سے سعودی عرب کے سفیر نواف سعید
المالکی نے ملاقات کی۔ملاقات کے دوران باہمی دلچسپی کے امور،پاکستان اور
سعودی عرب کے درمیان تعلقات کے فروغ اور مختلف شعبوں میں تعاون بڑھانے
پرتبادلہ خیال کیا گیا ۔وزیراعلیٰ شہبازشریف نے سعودی عرب کے سفیر کے ساتھ
عربی زبان میں بھی گفتگو کی۔
ترجمان وزیر اعلیٰ ہاؤس کے مطابق وزیراعلیٰ پنجاب محمد شہبازشریف نے کہا
پاکستان اور سعودی عرب کے تعلقات تاریخی، مذہبی اور ثقافتی رشتوں میں بندھے
ہوئے ہیں۔ پاکستان کے عوام سعودی عرب کے ساتھ دلی اور روحانی وابستگی
رکھتے ہیں۔ دونوں ممالک کے عوام کے درمیان اخوت اور بھائی چارے کا مضبوط
تعلق موجود ہے۔
محمد شہبازشریف نے کہاپاکستان اورسعودی عرب کے عوام کے دل ایک ساتھ دھڑکتے
ہیں۔ دونوں ملکوں کے عوام ایک دوسرے کی خوشیوں اورغم میں برابر کے شریک
رہتے ہیں۔سفارتی معاملات میں بھی سعودی عرب نے پاکستان کی بھر پور حمایت کی
ہے۔پاکستان کی سماجی ترقی اور صنعت و تجارت کے فروغ میں سعودی حکومت کا
تعاون اورکردارلائق تحسین ہے۔
وزیراعلیٰ پنجاب نے کہا سعودی عرب نے مشکل کی ہر گھڑ ی میں پاکستان کا بھر
پور ساتھ دیا ہے۔پاکستان سعودی عرب کے ساتھ تعلقات کو انتہائی اہمیت دیتا
ہے۔ پاکستان اور سعودی عرب کے گہرے برادرانہ اور دوستانہ روابط میں وقت
کیساتھ مضبوطی آرہی ہے۔ حکومت ہر شعبہ زندگی میں بہتری لانے کے لئے کوشاں
ہے۔
محمد شہبازشریف نے مزید کہاخاطر خواہ وسائل قومی ترقی اور عوامی خوشحالی پر
صرف کئے جا رہے ہیں۔ سعودی عرب اور پاکستان کے مابین تجارتی اور اقتصادی
تعلقات میں اضافہ ہو رہا ہے۔
اس موقع پر سعودی عرب کے سفیر نے پنجاب میں سماجی شعبوں کی بہتری اور عوام کی خوشحالی کیلئے اٹھائے گئے اقدامات کو بھی سراہا۔
سعودی عرب کے سفیر نواف سعید المالکی نے کہا سعودی عرب پاکستان کے ساتھ
تعلقات کو خصوصی اہمیت دیتا ہے۔ دونوں ملکوں کے درمیان برادرانہ اور
دوستانہ تعلقات مضبوط سے مضبوط تر ہو رہے ہیں۔سعودی عرب اور پاکستان نے
بھائیوں کی طرح ایک دوسرے کا ساتھ نبھایا ہے۔