Nov 16, 2017 02:56 pm
views : 628
Location : CM Secritariat
Lahore- CM Punjab Shahbaz Sharif chairs meeting regarding Health
لاہور ، وزیراعلیٰ پنجاب محمد شہبازشریف کی زیر صدارت دو گھنٹے تک اعلی سطح کا اجلاس
لاہور میں وزیراعلیٰ پنجاب محمد شہبازشریف کی زیر صدارت دو گھنٹے تک اعلی
سطح کا اجلاس ہوا۔اجلاس میں شعبہ صحت میں اصلاحات کے پروگرام پر عملدرآمد
اور ہیلتھ پراجیکٹس پر پیشرفت کا جائزہ لیا گیا۔ہیلتھ پراجیکٹس پر عملدرآمد
کی رفتار پر اطمینان کا اظہار کیا گیا ۔
ترجمان وزیر اعظم ہاؤس کے مطابق وزیراعلیٰ پنجاب محمد شہبازشریف نے کہا
اربوں روپے کے وسائل عام آدمی کو معیاری ، بہترین اور جدید طبی سہولتوں کی
فراہمی کے منصوبوں پر صرف کئے جا رہے ہیں۔ صوبے بھر میں بڑے ہیلتھ پراجیکٹس
کی تکمیل سے عوام کو جدید طبی سہولتیں مل رہی ہیں۔
محمد شہبازشریف نے کہالاہور اور ملتان میں جدید سنٹرل پیتھالوجی لیبز بنائی
جائیں گی۔ ہسپتالوں میں چھوٹی لیبز بھی بنیں گی جو سنٹرل لیبز سے سیٹلائٹ
کے ذریعے منسلک ہوں گی۔ان لیبز میں ہر قسم کے ٹیسٹ کی سہولت ہو گی۔ ان لیبز
کا نظام خود کار ہو گا اور یہاں لیب انفارمیشن مینجمنٹ سسٹم بھی ہو گا۔
وزیراعلیٰ پنجاب نے کہا سنٹرل لیبزکے قیام کا منصوبہ انتہائی اہمیت کا حامل
ہے اور اسے تیزی سے آگے بڑھانا ہے۔ پیتھالوجی لیبز کے قیام کے حوالے سے
روڈ شو کا بھی انعقاد کیا جائے۔ صوبے میں آئندہ نئے ہسپتال پبلک پرائیویٹ
پارٹنرشپ کے ماڈ ل کے تحت بنیں گے۔
وزیراعلیٰ پنجاب نے ہیلتھ سیکٹر کے جاری منصوبوں پر کام کی رفتار مزید تیز کرنے کی ہدایت بھی کی۔
محمد شہبازشریف نے کہاعوام کو ہیپاٹائٹس کے موذی مرض سے بچانے کے لئے
ہیپاٹائٹس کنٹرول پروگرام انتہائی اہمیت کا حامل ہے۔اس پروگرام کو موثر
انداز سے آگے بڑھایا جائے۔ہیپاٹائٹس کے مریضوں کو ان کے گھروں پر ادویات کی
فراہمی کا پروگرام کامیابی سے جاری ہے۔
اجلاس میں ہیلتھ کیئر سروسز کی فراہمی کے لئے نجی ہسپتالوں کی خدمات کے پروگرام کا بھی جائزہ لیا گیا۔
صوبائی وزراء خواجہ عمران نذیر ، ڈاکٹر ملک مختار احمد بھرت، مشیر ڈاکٹر
عمر سیف ، سیکرٹریز صحت اور محکمہ صحت کے اعلی حکام نے اجلاس میں شرکت کی۔