Oct 23, 2017 03:09 pm
views : 547
Location : Colonel Sher Khan Stadium
Peshawar- Diwali Sports Gala
پشاور،دیوالی کی مناسبت سے کرنل شیرخان اسٹیڈیم میں سپورٹس گالا کا اہتمام
ملک بھر کے دیگر شہروں کی طرح پشاور میں بھی دیوالی منائی جارہی ہے
۔دیوالی کی مناسبت سے کرنل شیرخان اسٹیڈیم میں اسپورٹس گالا کا اہتمام کیا
گیا ہے،اسپورٹس گالا میں شریک ہندو برداری کے افراد کھیلوں سے خوب لطف
اندوزہوئے جبکہ اس کو امن کا پیغام بھی قرار دیا۔
ملک بھر کی طرح پشاور میں بھی ہندو دیوالی کا تہوار جوش وخروش کیساتھ منایا
جا رہا ہے،دیوالی کی مناسبت سے زلمی فاؤنڈیشن کی جانب سے ہندو برادری
کیلئے کرنل شیر خان اسٹیڈیم میں اسپورٹس گالا کا اہتما م کیا گیا،اسپورٹس
گالا میں کرکٹ، مہندی، تقاریر سمیت دیگر مقابلے بھی منقعد ہوئے جس سے ہندو
برداری خوب لطف اندوز ہوئی۔
اسپورٹس گالا کے آرگنائزرکا بھی کہنا تھا کہ کھیلوں ہی کے ذریعے اقلیتوں کو
اکٹھا کر کے دنیا کو پاکستان سے امن کا پیغام دیا جا سکتا ہیں۔
اگر اس طرح کے گالا اور فیسٹول کامستقبل میں بھی اہتمام ہوتا گیا تو ملک
میں کھیلوں کے فروغ کیساتھ ساتھ پاکستان میں اقلیتوں کےمحفوظ رہنے کا بھی
ثبوت دیا جا سکے گا۔
اس سلسلے میں ذرائع ابلاغ عامہ کے نمائندے سے گفتگو کرتے ہوئے پشاور زلمی
فاؤنڈیشن کی ریجنل ڈائریکٹر سمیرا آفریدی نے کہا کہ تقریب کے انعقاد کا
مقصد ہندو برادری کو اور قریب لانا تھا جبکہ قومی و بین الاقوامی سطح پر یہ
پیغام دینا تھا کہ پاکستان ایک پر امن ملک ہے۔
تقریب میں شریک ہندو لڑکی نے کہا کہ پاکستان میں ہندو برادری پر امن طور پر رہ رہی ہے۔
ایک اور ہندو لڑکی نے کہا کہ ہم پاکستان میں مکمل آزاد ہیں اور اپنے تہوار کھل کر مناتے ہیں۔
ہندو کمیونٹی کے وائس پریزیڈنٹ راویش ناس داس نے کہا کہ ہمارا مقصد قوم کو
ایک کرنا ہے اور ہم سب ایک ہو کر ملک کی ترقی میں کردار ادا کر سکتے ہیں۔