Sep 26, 2017 07:57 pm
views : 702
Location : Evacuee Trust Board Office
Lahore- Chairman Evacuee Trust Board Siddique-al-Farooq Press Conference
لاہور،سکھ یاتریوں کی بہترین مہمان نوازی کی وجہ سےپاکستان دنیا بھر میں
اقلیتوں سے محبت کرنے والے ملک کے طور پر اجاگر ہو رہا ہے،چیئرمین متروکہ
وقف املاک بورڈ
چیئرمین متروکہ وقف املاک بورڈ محمد صدیق الفاروق نے کہا کہ پاکستان میں
سکھ یاتریوں کے لیے بہترین مہمان نوازی اور انتظامات کی وجہ سے دنیا بھر
میں پاکستان کا نام اقلیتوں سے محبت کرنے والا ملک کے طور پر اجاگر ہو رہا
ہے ، دنیا بھر سے سکھ یاتری پاکستان آ رہے ہیں جن کے لئے بھر پور انتظامات
کئے گئے ہیں تاہم اگر کہیں بہتری کی گنجائش ہوئی تو ضرور کریں گے،بابا گورو
نانک دیو جی کے 549ویں جنم دن کی تقریبات میں شرکت کے لئے بھارت سے سکھ
یاتری 2نومبر کو خصوصی ٹرین کے ذریعے واہگہ ریلوے سٹیشن پر آئیں گے،مرکزی
تقریب گورو دوارہ جنم استھان ننکانہ صاحب میں 4نومبر کو ہو گی ۔
با با گورو نانک دیو جی کے 549ویں جنم دن کی تقریبات کے لیے اعلی سطحی
انتظامی اجلاس چیئرمین متروکہ وقف املاک بورڈ محمد صدیق الفاروق کے زیر
صدارت بورڈ آفس میں منعقد ہواجس میں سیکرٹری بورڈ میاں عبدالقدیر، ایڈیشنل
سیکر ٹری شرائن طارق خان وزیر ، ڈپٹی سیکرٹری فراز عباس سکھ رہنما رامیش
سنگھ اروڑا سمیت امور داخلہ،خارجہ، پولیس، فوج، رینجرز، مختلف اضلاع کے ڈی
سی او، ڈی پی او، واپڈا، کسٹمز،ریلوے ،امیگریشن اور دیگر اہم اداروں کے
نمائندوں نے شرکت کی۔
اجلاس کے بعد چیئرمین محمد صدیق الفاروق نے گورونانک کے جنم دن کی تقریبات
کے حوالے ذرائع ابلاغ عامہ کے نمائندوں کو بریفنگ دیتے ہوئے بتایا کہ اس
مرتبہ پہلے سے بہتر فول پروف سیکورٹی انتظامات کیے گئے ہیں، سی سی ٹی وی
کیمرے واک تھرو گیٹ ،سفری سہولت کے لیے ریلوے کی نئی بوگیاں اور ہر قسم کی
سہولیات میسر ہوں گی اسکے علاوہ رہائش ،طبی سہولیات،ٹرانسپورٹ کی سہولیات
اور کھانے پینے کے لیے بہتر انتظامات کیے گئے ہیں ۔
صدیق ال فاروق نے کہا کہ یاتریوں کو رہائشی سہولت دینے کے لیے ٹینٹ ویلج
بھی قائم کیا جائے گا لوڈ شیڈنگ کی صورت میں ہائی پاور جنریٹرز کا انتظام
کیا گیا ہے ۔پاکستان میں سکھ یاتریوں کے لیے بہترین مہمان نوازی اور
انتظامات کی وجہ سے دنیا بھر میں پاکستان کا نام اقلیتوں سے محبت کرنے والا
ملک کے طور پر اجاگر ہو رہا ہے ،انہوں نے میڈیا کے نمائندوں کا شکریہ ادا
کرتے ہوئے کہا کہ مناسب کوریج سے پوری دنیا میں سکھ پاکستان کی نیک نامی کا
پیغام پہنچا ہے ۔
چیئرمین متروکہ ف املاک بورڈ نے مزید کہا کہ2نومبر کو بھار ت سے سکھ یاتری
خصوصی ٹرین کے ذریعے واہگہ ریلوے سٹیشن پر آئیں گے، مرکزی تقریب گورو
دوارہ جنم استھان ننکانہ صاحب میں 4نومبر کو ہو گی سکھ یاتر ی دورہ مکمل
کرنے کے بعد 11نومبر کو واپس بھارت جائیں گے ،انہوں نے مزید بتایا کہ
انتظامات کا جائزہ لینے کے لیے 23اکتوبر کو دوبارہ اعلی سطحی انتظامی اجلاس
منعقد ہوگا،انہوں نے کہا کہ کرتار پور میں 100کمرو ں کی تعمیر کے لیے
افتتاح کر دیا گیا ہے،ایک سوال کے جواب میں انہوں نے کہا کہ گورو نانک
یونیورسٹی کے ننکانہ صاحب میں قیام کے لیے 1ہزار کنال اراضی درکار ہے
اوراسکے ساتھ ساتھ ننکانہ شہر میں دیگر مسائل کامکمل حل اشد ضروری ہے ۔