کراچی ، بوہری جماعت عالمی کانفرنس کے دوران غیر معمولی سیکیورٹی اقدامات کو یقینی بنایا جائے،آئی جی سندھ
سینٹرل پولیس آفس کراچی میں آئی جی سندھ اے ڈی خواجہ کی ذیرصدارت اجلاس میں
بوہری جماعت عالمی کانفرنس کے دوران فول پروف سیکیورٹی اقدامات کا خصوصی
حوالوں سے تفصیلی جائزہ لیا گیا اور اجلاس میں شریک سینئر پولیس افسران کو
مذید ضروری احکامات دیئے گئے۔
اجلاس میں ایڈیشنل آئی جی کراچی،ایڈیشنل آئی جی اسپیشل برانچ،ڈی آئی جی
ہیڈکوارٹرز،ڈی آئی جی اسپیشل برانچ،زونل ڈی آئی جیز کراچی،اے آئی جی
آپریشنز سندھ،اے آئی جی ایڈمن سی پی او کے علاوہ ڈائریکٹر آئی ٹی نے بھی
شرکت کی۔
آئی جی سندھ نے ہدایات دیں کہ مذکورہ عالمی کانفرنس میں سیدنا برہان الدین
سمیت بوہری جماعت سے تعلق رکھنے والے دیگر معززین/مندوبین کی شرکت کے پیش
نظر سکھر میرپورخاص لاڑکانہ شہیدبینظیرآباد اور حیدرآباد کے ڈی آئی جیز
متعلقہ ہائی ویز کے تمام داخلی خارجی راستوں کے ساتھ ساتھ ایسی تمام
شاہراہوں کو محفوظ بنانیکے حوالے سے پیٹرولنگ پکٹنگ اور ناکہ بندی وکڑی
نگرانی کے عمل کو ہر لحاظ سے ٹھوس اور مربوط بنائیں گے۔
انہوں نے مذید کہا کہ قائداعظم انٹرنیشنل ائیرپورٹ پر آنیوالے بوہری برادری
کے مندوبین کی سیکیورٹی کے حوالے سے ڈی ایس پی ائیرپورٹ مجموعی سیکیورٹی
اقدامات کو غیر معمولی بنائیں گے۔
انہوں نے کمانڈنٹ ایس ایس یو کو ہدایات دیں کہ سیدنا برہان الدین کو
ائیرپورٹ تا رہائشی مقام تک کے روٹ پر سیکیورٹی کے مجموعی اقدامات کو
غیرمعمولی بنانیکے ساتھ ساتھ روٹ پر ہیڈ اینڈ ٹیل واطراف سیکیورٹی حکمت
عملی کو اپنی سپرویڑن میں یقینی بنائیں گے۔۔جبکہ انکے پرسنل گارڈز اسکارٹ
وغیرہ کے لیئے بھی تمام تر خصوصی اقدامات اپنی نگرانی میں اٹھائیں گے۔
آئی جی سندھ نے زونل ڈی آئی جیز کو ہدایات دیں کہ بوہری جماعت عالمی
کانفرنس کے آغاز تا اختتام متعلقہ اضلاع میں سیکیورٹی کے خصوصی اقدامات کو
مذید ٹھوس بنایا جائے جسکے تحت کانفرنس میں دیگر ممالک سے شرکت کے لئے
آنیوالے بوہری جماعت کے معززین/مندوبین کے رہائشی مقامات،آمدورفت کے روٹس
وغیرہ پر فول پروف حفاظتی اقدامات کے لیئے تمام ایس ایس پیز ایس ڈی پی اوز
وایس ایچ اوز کو باالخصوص پابند بنایا جائے۔
انہوں نے کہا کہ غیرمعمولی سیکیورٹی اقدامات کے ضمن میں تمام بوہری جماعت
خانوں کے داخلی وخارجی راستوں پر سی سی ٹی وی کیمروں کی تنصیب کے لیئے تمام
تر ضروری اقدامات کیئے جائیں جبکہ ایسے ہی اقدامات کانفرنس میں شرکت کے
لیئے آنیوالے معززین/مندوبین کے رہائشی مقامات کے لیئے بھی اٹھائے جائیں۔
انہوں نے ڈی آئی جی ٹریفک کو ہدایات جاری کیں کہ کانفرنس میں بوہری جماعت
کے معززین/مندوبین کی کثیر تعداد کے پیش نظر بوہری جماعت خانوں اور مندوبین
کے رہائشی مقامات پر گاڑیوں کی پارکنگ کے حوالے سے خصوصی اقدامات کیئے
جائیں اور اس سلسلے میں متعلقہ ٹریفک سیکشن افسران ٹریفک کوباقاعدہ پابند
کیا جائے۔