لاہور ، وزیراعلیٰ پنجاب محمد شہبازشریف کا ویڈیو لنک کے ذریعے سول سیکرٹریٹ میں اجلاس سے خطاب
لاہور میں وزیراعلیٰ پنجاب محمد شہبازشریف کا ویڈیو لنک کے ذریعے سول
سیکرٹریٹ میں اجلاس سے خطاب کیا۔اجلاس میں برطانوی سرمایہ کاروں کی جانب سے
پنجاب میں شعبہ صحت میں سرمایہ کاری کی تجویز کا جائزہ لیا گیا۔
ترجمان وزیر اعلیٰ ہاؤس کے مطابق وزیر اعلیٰ پنجاب محمد شہباز شر یف نے کہا
صحت عامہ کی سہولتوں کی بہتری ہمارا مشن ہے۔ اس ضمن میں برطانوی سرمایہ
کاروں کے تعاون اور سرمایہ کاری کا خیرمقدم کریں گے۔ برطانوی سرمایہ کارو ں
کی جانب سے جدید ہسپتال اور میڈیکل کالج کے قیام کی تجویز خوش آئند ہے۔
اس موقع پر وزیراعلیٰ پنجاب محمدشہباز شر یف نے کمیٹی تشکیل دینے کی ہدایت
بھی کی۔کمیٹی برطانوی سرمایہ کاروں کے ساتھ بات چیت کرکے تجویز کو حتمی شکل
دے گی۔
وزیر اعلیٰ پنجاب محمد شہباز شر یف نے کہاہسپتالوں میں صحت کی معیاری
سہولتوں تک رسائی عوام کا حق ہے۔ پنجاب حکومت نے شعبہ صحت کی بہتری کیلئے
بے پناہ اصلاحات متعارف کرائی ہیں۔ ہسپتالوں میں عام آدمی کو معیاری طبی
سہولتوں کی فراہمی کیلئے جہاں سے بھی تعاون ملا، لیں گے۔ آج پنجاب میں وہی
دوائی غریبوں کو مل رہی ہے جو امیر استعمال کر رہے ہیں۔
محمد شہباز شر یف نے کہاپنجاب میں غریب مریضوں کے معیاری علاج معالجے کیلئے
ہرممکن اقدامات کئے جا رہے ہیں۔پاکستان کڈنی اینڈ لیورٹرانسپلانٹ
انسٹیٹیوٹ کے منصوبے پر تیزی سے کام ہورہاہے۔ہیپا ٹائٹس فلٹر کلینکس کا
دائرہ کار پورے پنجاب میں پھیلایا جائے گا۔
برطانوی سرمایہ کار وں نے کہا لاہور میں برطانوی معیار کا جدید ہسپتال اور
میڈیکل کالج بنانے کیلئے سرمایہ کاری کرنا چاہتے ہیں۔ہم پنجاب حکومت کے
ساتھ شعبہ صحت میں مل کر کام کرنا چاہتے ہیں۔
صوبائی وزیر سید علی رضا گیلانی، چیئرمین منصوبہ بندی و ترقیات، متعلقہ
محکمو ں کے سیکرٹریز، اعلیٰ حکام اور برطانوی سرمایہ کاروں نے ویڈیو لنک کے
ذریعے اجلاس میں شرکت کی۔