لاہور، وزیراعلیٰ پنجاب شہباز شریف کی فرانس کی سفیر مارٹین ڈورینس سے الوداعی ملاقات
وزیراعلیٰ پنجاب شہباز شریف سے فرانس کی سفیر مارٹین ڈورینس نے الوداعی
ملاقات کی ،ملاقات میں دو طرفہ امور اور مختلف شعبوں میں تعاون بڑھانے
پر تبادلہ خیال کیا گیا، وزیراعلیٰ نے دونوں ممالک کے درمیان تعاون کے فروغ
پر فرانسیسی سفیر کو خراج تحسین پیش کیا، شہباز شریف نے کہا کہ پاک فرانس
تعلقات کے فروغ کیلئے آپ کی خدمات گراںقدر ہیں۔
اس موقع پر وزیراعلیٰ پنجاب شہباز شریف نے کہا ہے کہ پاکستان میں دہشتگردی
وانتہا پسندی کی کوئی گنجائش نہیں ہے، ترقیاتی منصوبوں میں شفافیت سے قوم
کے اربوں روپے بچائے ،فرانسیسی سرمایہ کار پنجاب میں موجود بے پناہ مواقعوں
سے بھرپور فائدہ اٹھا سکتے ہیں دنیا آج پاکستان میں شفافیت کا برملا
اعتراف کررہی ہے پاکستان اورفرانس میں معاشی ،تجارتی اور دیگر شعبوں میں
تعلقات بڑھانے کی ضرورت ہے۔
وزیر اعلیٰ نے فرانس کی سفیر کو مخاطب کرتے ہوئے کہا کہ آپ نے دوطرفہ معاشی
تعاون بڑھانے کیلئے انتھک محنت کی ہے، دونوں ملکوں میں معاشی ،تجارتی اور
دیگر شعبوں میں تعلقات بڑھانے کی ضرورت ہے۔ انہوں نے کہا کہ فرانسیسی
سرمایہ کار پنجاب میں بے پناہ مواقعوں سے فائدہ اٹھا سکتے ہیں، فرانسیسی
سرمایہ کاروں کو ہرممکن سہولتیں فراہم کرینگے، ترقیاتی منصوبوں میں شفافیت
سے قوم کے اربوں روپے بچائے۔
شہباز شریف نے مزید کہا کہ پاکستان میں دہشتگردی وانتہا پسندی کی کوئی
گنجائش نہیں ہے،پاکستانی قوم دہشتگردی کے مکمل خاتمے کا عزم کرچکی ہے، قومی
اتفاق رائے سے دہشتگردی کے خلاف جنگ میں بے مثال کامیابیاں ملی ہیں۔
فرانسیسی سفیر نے توانائی منصوبوں کی ریکارڈ مدت میں تکمیل پر وزیراعلیٰ
پنجاب کو مبارکباد دی، فرانسیسی سفیر مارٹین ڈور لینس نے کہا کہ شہباز شریف
کی قیادت میں پنجاب نے معاشی اہداف میں پیشرفت کی ہے۔ انفراسٹرکچر ،تعلیم
،صحت کے شعبوں میں ترقی سے عوام کے معیار زندگی بلند ہوا ہے، پنجاب میں
ترقیاتی منصوبے برق رفتاری سے مکمل ہورہے ہیں، موجودہ حکومت کی توانائی
بحران کے خاتمے کی کاوشیں قابل تعریف ہے۔