Aug 18, 2017 12:52 pm
views : 753
Location : ISPR Directorate
Rawalpindi- COAS Visits ISPR
راولپنڈی، نوجوان داعش سے منسلک تنظیموں سے بھی بہت زیادہ محتاط رہیں،آرمی چیف
پاک فوج کے سربراہجنرل قمر جاوید باجوہ کا کہنا ہے کہ نوجوان داعش سے منسلک
تنظیموں سے بھی بہت زیادہ محتاط رہیں کیوں کہ پڑھے لکھے نوجوان داعش کا
بڑا ہدف ہیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر
جاوید نے آئی ایس پی آر ڈائریکٹوریٹ کا دورہ کیا جہاں ڈی جی آئی ایس پی آر
میجر جنرل آصف غفور نے ان کا استقبال کیا۔ آرمی چیف نے آئی ایس پی آر میں
انٹرن شپ کرنے والے نوجوانوں سے ملاقات کی اور کامیابی سے انٹرنشپ مکمل
کرنے والے نوجوانوں کو مبارک باد دی۔
اس موقع پر خطاب کرتے ہوئے آرمی چیف نے کہاکہ پاکستانی نوجوان ملک کو امن و
خوشحالی کی طرف لے جائیں گے، نوجوان میرٹ اور قانون کی حکمرانی پر عمل
کریں،نوجوان کامیابی کے لیے شارٹ کٹس کی طرف نہ جائیں،پورا یقین ہے کہ
پاکستانی نوجوانوں کو اپنی صلاحیتوں کا ادراک ہے،نوجوانوں چاہیے کے داعش
اور دوسری دہشت گرد تنظیموں سے محتاط رہیں کیونکہ ان کا سب سے بڑا ہدف
نوجوان ہیں۔
جنرل قمر جاویدباجوہ نے کہا کہ تشدد ، دہشتگردی سے ملک کونجات دلانے میں
پاک فوج نے عظیم کامیابی حاصل کی،پاک فوج ایک محفوظ اور مستحکم پاکستان کے
قیام کا عزم کیے ہوئے ہے،ملک کوتشدد ، دہشتگردی سے نجات دلانے میں پاک فوج
نے عظیم کامیابی حاصل کی،پائیدار امن کے لیے ہم میں سے ہر ایک کو اپنا
کردار ادا کرنا ہے،کامیابی و ترقی کیلیے نوجوان اللہ پرایمان،والدین
کااحترام ،سخت محنت پرانحصار کریں،پاک افواج پاکستان کی سلامتی کے لیے
کوشاں ہیں۔
آرمی چیف نے مزید کہاکہ نوجوان کامیابی کے لیے شارٹ کٹس کی طرف نہ جائیں
بلکہ میرٹ اور قانون کی حکمرانی پر عمل کریں جب کہ کامیابی و ترقی کے لیے
اللہ پر ایمان، والدین کا احترام ، سخت محنت پرانحصار کریں۔