Aug 16, 2017 05:09 pm
views : 744
Location : CM Secretariat
Lahore- CM Punjab Shahbaz Sharif chairs meeting regarding Water
لاہور، وزیراعلیٰ پنجاب محمد شہبازشریف کی زیرصدارت اجلاس
لاہور میں وزیراعلیٰ پنجاب محمد شہبازشریف کی زیرصدارت اجلاس ہوا۔اجلاس میں
پینے کے صاف پانی کے پروگرام کے امور پر پیشرفت کا جائزہ لیا گیا۔
وزیراعلی نے پینے کے پانی کو ٹیسٹ کرنے کے لئے موبائل لیبارٹریز کا معائنہ
کیا۔وزیراعلی نے موٹر بائیکس ،واٹر ٹیسٹنگ لیبارٹریز کا بھی معائنہ کیا۔
ترجمان وزیر اعلیٰ ہاؤس کے مطابق وزیر اعلیٰ پنجاب محمد شہباز شر یف نے کہا
موبائل واٹر ٹیسٹنگ لیبارٹریز کے قیام کا منصوبہ انتہائی اہمیت کاحامل
ہے۔عوام کو پینے کے صاف پانی کی فراہمی کے لئے یہ جدید لیبارٹریز کلیدی
اہمیت رکھتی ہیں۔دیہات اور دوردراز علاقوں کے پانی کو چیک کرنے کیلئے موٹر
بائیکس،واٹرٹیسٹنگ لیبارٹریز کا قیام عمل میں لایا گیا ہے۔
محمد شہباز شر یف نے کہااس اقدام سے پینے کے گندے پانی سے لگنے والی
بیماریوں سے چھٹکارا ملے گا۔یہ اقدام عوام کو صاف پانی کی فراہمی میں اہم
کردار ادا کرے گا۔موبائل واٹر ٹیسٹنگ لیبارٹریز کے لئے بہترین پروفیشنلز کا
انتخاب کیا جائے۔مفاد عامہ کے اس بڑے پروگرام کو پورے پنجاب تک پھیلایا
جائے گا۔
وزیراعلیٰ پنجاب نے کہا صوبے کے عوام کو پینے کے صاف پانی کی فراہمی کا
پروگرام انتہائی اہمیت کا حامل ہے۔پینے کے صاف پانی کے پروگرام کو تیزی سے
آگے بڑھانا ہے۔متعلقہ ضروری امور جلد طے کر کے آگے کی جانب پیشرفت کی
جائے۔پروگرام پر پیشرفت کے حوالے سے ہفتہ وار میٹنگ کی جائے۔پروگرام کا
آغاز جنوبی پنجاب کی تحصیلوں سے کیا جا رہاہے جس کیلئے اربوں روپے کے وسائل
مختص کئے گئے ہیں۔
وزیراعلی کی جانب سے موبائل واٹر ٹیسٹنگ لیبارٹریز کے پروگرام پر عملدرآمد
کے حوالے سے سیکرٹری ہاؤسنگ اور ان کی ٹیم کی کارکردگی کی تعریف بھی کی ۔
چیف سیکرٹری، چیئرمین پنجاب صاف پانی کمپنی نارتھ چودھری عارف سعید،
چیئرمین منصوبہ بندی وترقیات، چیف ایگزیکٹو آفیسر اربن یونٹ،متعلقہ محکموں
کے سیکرٹریز،اعلی حکام اور غیر ملکی ماہرین نے اجلاس میں شرکت کی۔