Jul 28, 2017 01:03 pm
views : 803
Location : Supreme Court Of Pakistan
Islamabad- Supreme Court Disqualifies PM Nawaz Sharif
اسلام آباد ، سپریم کورٹ نے وزیراعظم نوازشریف کو نااہل قراردیدیا
سپریم کورٹ نے پاناما کیس سے متعلق دائر درخواستوں پر نواز شریف کو نااہل قرار دے دیا ہے۔
جسٹس آصف سعید کھوسہ کی سربراہی میں جسٹس گلزار احمد، جسٹس اعجاز افضل،
جسٹس شیخ عظمت سعیداور جسٹس اعجاز الاحسن پر مشتمل 5 رکنی لارجر بینچ نے 21
جولائی کو 3 رکنی خصوصی بینچ کی جانب سے محفوظ کیا گیا فیصلہ پڑھ کر سنایا
جس میں وزیراعظم نواز شریف کو نااہل قرار دے دیا گیا۔
فاضل بینچ کے پانچوں جج صاحبان نے متفقہ طور پر نواز شریف کو نااہل قرار دے
دیا ہے، اپنے فیصلے میں سپریم کورٹ نے نیب کو حکم دیا ہے کہ نواز شریف اور
ان کے اہل خانہ کے خلاف 6 ہفتوں میں ریفرنس دائر کیا جائے۔
واضح رہے کہ جسٹس عظمت سعید اور جسٹس اعجاز الاحسن پر مشتمل 3 رکنی
عملدرآمد بینچ کے روبرو جے آئی ٹی نے 10 جولائی کو اپنی رپورٹ پیش کی تھی
عدالت نے 5 سماعتوں کے دوران رپورٹ پرفریقین کے اعتراضات سنے اور 21
جولائی کو فیصلہ محفوظ کیا تھا۔