مالدیپ،وزیراعظم محمد نواز شریف مالدیپ کے سرکاری دورے پر مالے پہنچ گئے
وزیراعظم محمد نواز شریف مالدیپ کے سرکاری دورے پر مالے پہنچ گئے ہیں۔
وزیراعظم محمد نواز شریف مالدیپ کے سرکاری دورے پر مالے پہنچ گئے ہیں
۔ہوائی اڈے پر مالدیپ کے صدر عبداللہ یامین عبدالقیوم نے اپنی اہلیہ کے
ہمراہ وزیراعظم محمدنواز شریف اور خاتون اول بیگم کلثوم نواز کا پرتپاک
استقبال کیا۔
مالدیپ کی کابینہ کے ارکان بھی وزیراعظم کے استقبال کے لئے ہوائی اڈے پر
موجود تھے ۔ ہوائی اڈے پر موجود ننھے بچوں نے وزیر اعظم محمدنواز شریف کو
گلدستے پیش کیے۔ مشیر خارجہ سرتاج عزیز وزیر اعظم کے ہمراہ ہیں۔
وزیراعظم محمدنواز شریف کل مالدیپ کے باون ویں یوم آزادی کی تقریبات میں
بطور مہمان خصوصی شرکت کریں گے ۔ وہ آج مالے میں مالدیپ کے صدر عبداللہ
یامین عبدالقیوم سے باضابطہ ملاقات کریں گے ۔
وزیراعظم کےد ورے میں دونوں ملکوں کے درمیان مختلف شعبوں میں تعاون کے سمجھوتوں پربھی دستخط ہوں گے ۔
وزیراعظم کا دورہ خطے کے ملکوں کے ساتھ قریبی رابطہ رکھنے کی پالیسی کا حصہ
ہے۔ دورے سے سیاست، تجارت ، معیشت، دفاع ، سیاحت اورتعلیم شعبوں میں
تعلقات مستحکم ہوں گے ۔
مالدیپ پہنچنے کے فوری بعد ہوائی اڈے پر وزیراعظم محمدنواز شریف اور مالدیپ
کے صدر عبداللہ یامین عبدالقیوم کے درمیان ملاقات ہوئی ۔ ملاقات میں
دوطرفہ تعلقات اور باہمی دلچسپی کے امور پر تبادلہ خیال ہوا۔
پاکستان اور مالدیپ کے تعلقات دوستی ، باہمی اعتماد اور مشترکہ مفادات پر
مبنی ہیں ۔ دونوں ملک علاقائی اور بین الاقوامی فورمز پر مشترکہ اہمیت کے
معاملات پر ایک دوسرے سے قریبی رابطہ رکھتے ہیں۔پاکستان اور مالدیپ کے
درمیان جولائی انیس سو چھیاسٹھ میں قائم ہونے والے سفارتی تعلقات دن بدن
مضبوط ہو رہے ہیں ۔