راولپنڈی ، سائنسی خطوط پر مسلم امہ کے خلاف پروپیگنڈہ کیا جا رہا ہے ،شاہ محمود قریشی
پاکستان تحریکِ انصاف کے وائس چیئرمین شاہ محمود قریشی نے کہا ہے کہ سائنسی
خطوط پر مسلم امہ کے خلاف پروپیگنڈہ کیا جا رہا ہے اور بد قسمتی سےدہشت
گردی کو اسلام سےجوڑا جا رہا ہے جس کے سدباب کے لیے مشائخ اور علما کو ہی
اہم کردار ادا کرنا ہو گا کیوں کہ اس وقت سب سے اہم ضرورت اسلام کے درست
تشخص کی بحالی ہے۔
شاہ محمود قریشی نے موہڑہ شریف دربارعالیہ میں خطاب کرتے ہوئے کہا کہ امت
مسلمہ پر نظریاتی حملوں کو روکنا ہو گا جس کے علماء اور مشائخ کو آگے آنا
ہوگا۔
انہوں نے کہا کہ مسلم امہ تقسیم اورکشمکش کا شکار ہے دوسری جانب ہمیں فرقوں
میں بانٹےکی سازشیں جنم لے رہی ہیں اوراسلام کودہشت گردی سے نتھی کرنے کی
مذموم کوشش کی جا رہی ہے جس کا سدباب امت مسلمہ کا اتحاد اور ذہنوں کو
تبدیل کرنے میں ہے۔
شاہ محمود قریشی نے کہا کہ جب تک ذہن تبدیل نہیں ہوں گےاس وقت تک دل تبدیل
نہیں ہوں گے اس لیےعلماء ومشائخ کو چاہیے کہ لوگوں کے دلوں کا تزکیہ کریں
اورفرقہ فرقہ قوم کے دلوں کو جوڑدیں۔
انہوں نے کہا کہ خطے کا امن خطرے میں ہے اور پاکستان بے پناہ چینلجز سے
دوچار ہے ایسے نازک مرحلے میں ہمیں قوم کو متحدہ کرنا ہے گو کہ اگلے چند
سالوں میں ہمیں بے پناہ مشکلات کا سامنا کرنا پڑے گا لیکن سوچنے کی بات یہ
ہے کہ کیا ہم ان چینلجز سے نمٹنے کے لیے تیار ہیں ؟