Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Apr 05, 2017 06:16 pm views : 844

Location : Machar Colony

Karachi- Anti Encroachment Operation in Machar Colony

کراچی،مچھر کالونی میں تجاوزات کے خلاف آپریشن،مظاہرین کا پولیس پر پتھراؤ موبائل نذر آتش

مچھر کالونی میں سرکلرریلوے کی زمین پر تجاوزات کے خاتمے کے خلاف آپریشن کے دوران مظاہرین نے پولیس موبائل کو آگ لگادی۔
کراچی کے علاقے مچھر کالونی میں محکمہ انسداد تجاوزات کا عملہ سرکلرریلوے کی زمین پر قائم تجاوزات کے خاتمے کیلیے پہنچا تو علاقہ مکین نے احتجاج شروع کردیا جودیکھتے ہی دیکھتے پرتشدد صورت حال اختیار کرگیا۔
مظاہرین نے محکمہ اینکروچمنٹ کے عملے کی سیکیورٹی کے لیے آنے والی ایک پولیس موبائل کو بھی آگ لگادی، مظاہرین کو منتشر کرنے کے لیے پولیس نے آنسو گیس کی شیلنگ اور ہوائی فائرنگ کی جب کہ دوسری جانب سے وقفے وقفے سے پتھراؤ جاری رہا۔
اس سے قبل سندھ ہائی کورٹ میں مچھر کالونی میں تجاوزات کے خلاف آپریشن رکوانے کی درخواست کی سماعت کی جس میں درخواست گزاروں نے موقف اختیار کیا تھا کہ وہ اس زمین پر 35 برسوں سے رہ رہے ہیں اور اب تجاوزات کے نام پر کسی نوٹس کے بغیر ہی ہمارے گھروں کو گرایا جارہا ہے جسے روکا جائے۔
سندھ ہائی کورٹ نے تجاوزات کے خلاف آپریشن روکنے کی استدعا مسترد کرتے ہوئے کہا کہ بجلی، گیس اوردیگر یوٹیلٹیز کے کنکشنز کہیں بھی حاصل کیے جاسکتے ہیں، آبادی اگرغیرقانونی ہے تو اسٹے نہیں دے سکتے، عدالت نے محکمہ ریونیو، کمشنر کراچی ، کے پی ٹی ، پولیس اور دیگر کو 19 اپریل کے لیے نوٹس جاری کردیے۔