لاہور شہریوں کے ساتھ جانور بھی گرمی سے بے حال
گرمی نے لاہوریوں کے ساتھ جانوروں کا جینا بھی دوبھر کر دیا ہے۔
لاہورمیں واقع چڑیاگھر جہاں پر مختلف قسم کے جانور اور پرندے لوگوں کی توجہ
کامرکز بنے ہوئے ہیں وہیں خوبصورت پارکس بھی لوگوں کوتفریحی ماحول فراہم
کیے ہوئے ہیں۔
لاہورمیں مارچ کا مہینہ بھی جون کا منظر پیش کرنے لگا ہے گرمی کے ستائے
شہری اپنے اپنے بچوں کے ہمراہ چڑیاگھر کی سیر کرتے ہوئے نظرآرہے ہیں۔
شہری مختلف قسم کے جانوروں اورخوبصورت پرندوں سے اپنا دل بہلارہے ہیں جبکہ
چڑیاگھرمیں موجود پارکس بھی لوگوں کی آماجگاہ بنے ہوئے ہیں۔
لاہور چڑیاگھر کے ڈائریکٹر کاکہناہے کہ یہاں پرجانوروں اور پرندوں کی دیکھ
بھال کے لیے بہتر اقدامات کیے گئے ہیں اور جانوروں کے لیے شیلٹرز بھی قائم
کیے گئے ہیں تاکہ ان کو گرمی سے بچایاجاسکے ۔
ان کاکہناتھاکہ شام کے وقت جب گرمی کادرجہ حرارت کم ہوجاتاہے تب ان جانوروں
کو لوگوں کے سامنے لایاجاتاہے تاکہ لوگ انجوائے کرسکیں،ان کاکہناتھاکہ
ہماری کوشش یہی ہوتی ہے کہ ہم یہاں جانوروں کی ویلفیئر،اسٹاف کی ویلفیئر
اورجو شائقین ہیں ان کی ویلفیئر کو مانیٹر کریں تاکہ شائقین یہاں سے خوش
ہوکر جائیں،انہوں نے کہاکہ میں خود دن میں دو سے تین چکر چڑیاگھر کے
لگاتاہوں تاکہ سارے چڑیاگھر کی ایکٹیوٹیز کو مانیٹرکرسکوں۔
چڑیاگھرمیںآئے ہوئے لوگوں کاکہناہے کہ یہاں پر بجلی کی بندش اور گرمی کی
بڑھتی ہوئی شدت کو دور کرنے اور بچوں کو تفریحی ماحول فراہم کرنے کے لیے
آئے ہوئے ہیں ان کاکہناتھاکہ یہاں پر بھی گرمی کی شدت زیادہ ہے اور لائٹ کا
بھی بندوبست نہیں کیاگیا،ان کاکہناتھاکہ بیشتر جانور گرمی کی وجہ سے اپنے
پنجرے میں ہی چھپ کر بیٹھے ہوئے ہیں تاہم انتظامیہ نے پینے کے لیے ٹھنڈے
پانی کابندوبست کیاہواہے۔