Mar 05, 2017 03:17 pm
views : 961
Location : Gaddafi Stadium, PCB Headquarter
Lahore- CM Punjab Shahbaz Sharif visits Gaddafi Stadium
لاہور ،وزیر اعلیٰ پنجاب محمد شہباز شریف کا رات گئے قذافی اسٹیڈیم اور دیگر ملحقہ علاقوں کا بغیر پروٹوکول اچانک دورہ
لاہور میں وزیر اعلیٰ پنجاب محمد شہباز شریف نے رات گئے قذافی اسٹیڈیم اور
دیگر ملحقہ علاقوں کا بغیر پروٹوکول اچانک دورہ کیا۔دورے کے موقع
پروزیراعلی نے شائقین کرکٹ کے لئے کئے جانے والے انتظامات کا2گھنٹے تک
تفصیلی جائزلیا۔
چیئرمین پی ایس ایل نجم سیٹھی ، صوبائی وزیر قانون رانا ثناء اللہ ،
ایڈیشنل چیف سیکرٹری داخلہ ، انسپکٹر جنرل پولیس اور متعلقہ حکام بھی اس
موقع پر موجود تھے۔
ایڈیشنل چیف سیکرٹری داخلہ نے سکیورٹی پلان او ردیگر انتظامات کے بارے میں بریفنگ دی ۔
وزیر اعلیٰ پنجاب محمد شہباز شریف نے کہا پوری قوم کی نظریں فائنل میچ پر
ہیں۔میچ کو ہر صورت کامیاب کرائیں گے۔شائقین کرکٹ کو اسٹیڈیم میں آنے کے
لئے ہر طرح کی سہولت فراہم کی جائے گی۔شائقین کو بہترین او رپرامن ماحول
میں میچ دیکھنے کو ملے گا۔تمام متعلقہ اداروں کے تعاون سے انتظامات کو خوب
سے خوب تربنایا گیا ہے۔
وزیر اعلیٰ پنجاب محمد شہباز شریف نے کہاپارکنگ سے اسٹیڈیم تک شائقین کرکٹ
کو لے جانے کے لئے فری شٹل سروس چلے گی۔میچ کے اختتام پربھی شائقین کرکٹ کو
کسی قسم کی مشکل کا سامنا نہیں کرنا پڑے گا۔
وزیراعلی نے اسٹیڈیم میں پانی کی فراہمی کے لئے موجود زنگ آلود واٹر ڈسپنسر
پر سخت برہمی کا اظہار کیا ۔اس موقع پر وزیراعلیٰ پنجاب محمد شہباز شر یف
نےمتعلقہ حکام کی سرزنش کی ۔ز نگ آلود واٹر ڈسپنسر کو فوری طو ر پر تبدیل
کرنے کا حکم دیا ۔وزیراعلی نے قذافی ا سٹیڈیم میں ٹائلٹس میں صفائی کی
صورتحال کا بھی جائزہ لیا ۔
وزیر اعلیٰ پنجاب محمد شہباز شریف نے کہا ٹائلٹس میں صفائی کے انتظامات کو
ہر قیمت پر بہتر سے بہتر بنایا جائے۔پارکنگ میں ڈرائیورز کے لئے چائے
اورپانی کا مناسب انتظام ہونا چاہیے۔
وزیراعلی نے ایف سی کالج میں پارکنگ ایریا کا بھی دورہ کیا۔پارکنگ ایریا
میں گاڑیوں کی پارکنگ کے لئے دی جانے والی سہولتوں کا جائزہ لیا ۔وزیراعلی
نے پارکنگ میں پبلک ایڈریس سسٹم کے نظام کا بھی معائنہ کیا۔
وزیراعلی نےا سٹیڈیم کے باہر شائقین کرکٹ کے لئے قائم کئے گئے کیبنز کا بھی معائنہ کیا۔