رسالپور،پی اے ایف اکیڈمی رسالپورمیں چھبیسویں بیسک ائر بورن پاسنگ آؤٹ پریڈ کا انعقاد
پی اے ایف اکیڈمی رسالپور میں تینوں مسلح افواج کی خواتین آفیسرز پیرا
ٹروپرز کی پہلی پاسنگ آؤٹ پریڈ ہوئی۔ چھبیسویں بیسک ایئر بون کورس کی پاسنگ
آؤٹ پریڈ میں پہلی بار 22 خواتین کیڈٹس نے تربیت حاصل کی۔
پی اے ایف رسالپور اکیڈمی میں چھبیسویں بیسک ایئر بون کورس کی پاسنگ آؤٹ
پریڈ ہوئی۔ تربیت حاصل کرنے والے کیڈٹس نے آسمان پر رنگ بکھیر دیے۔
تقریب میں تینوں مسلح افواج کے پاس آؤٹ ہونے والے 33 افسر اور 28 ایئرمین کو ایوارڈز سے نوازا گیا۔
پاکستانی تاریخ میں پہلی بار 22 خواتین پیرا ٹروپرز نے بھی تربیت حاصل کی
جن میں سے 17 پاک آرمی، 3 پاک نیوی اور 2 پاک فضائیہ سے تعلق رکھتی ہیں۔
خواتین پیرا ٹروپرز نے شاندار عملی مظاہرہ کر کے دنگ کردیا۔
تقریب کے مہمان خصوصی وائس چیف آف ایئر اسٹاف اسد عبدالرحمٰن لودھی نے
خواتین پیرا ٹروپرز کی حوصلہ افزائی کرتے ہوئے کہا کہ تربیت حاصل کرنے والی
خواتین عزم و ہمت کی علامت ہیں۔
رسال پور میں چھبیسویں بیسک ایئر بون کورس کی پاسنگ آؤٹ تقریب سے خطاب
کرتے ہوئے وائس چیف آف ایئر اسٹاف اسد عبدالرحمن لودھی نے کہا کہ پاک
فضائیہ سرحدوں کی حفاظت کےلئے ہر دم تیار ہے اور دشمن کو منہ توڑ جواب دینے
کی پوری صلاحیت رکھتی ہیں ۔
پاسنگ آؤٹ پریڈ کی شاندار تقریب میں خواتین سمیت 13 پیرا ٹروپرز نے 10 ہزار فٹ کی بلندی سے چھلانگ لگا کر شاندار مظاہرہ کیا۔