Jun 08, 2017 05:45 pm
views : 787
Location : Ministry Of Foreign Affairs Office
Islamabad- Ministry Of Foreign Office Weekly Briefing
اسلام آباد،ترجمان دفتر کارجہ نفیس زکریا کا ہفتہ وار بریفنگ سے خطاب
ترجمان دفتر خارجہ نفیس زکریا کا کہنا ہے کہ بھارت نے مقبوضہ کشمیر میں ظلم
و بربریت کی داستان رقم کی ہے اور مسلسل کررہا ہے گزشتہ صرف ایک ہفتے میں 9
بے گناہ افراد کو شہید کردیا گیا اور 12 افراد پیلٹ گنز کا نشانہ بنے
سیدعلی گیلانی کی اپیل پر کشمیری کل یوم احتجاج منارہے ہیں پاکستان بھارتی
مظالم کی بھرپور مذمت کرتا ہے۔
ہفتہ وار بریفنگ کے دوران ترجمان دفتر خارجہنے کہا کہ بھارت کشمیری
نوجوانوں کو ظلم و تشدد سے زیر کرنا چاہتا ہے لیکن کشمیری کسی صورت بھی
اپنے حق خود ارادیت کی جدوجہد سے دستبردار نہیں ہوں گے عالمی برادری اور
اقوام متحدہ کو بھی چاہیئے کہ کشمیر کی صورتحال کا نوٹس لے،انہوں نے کہا کہ
بھارت کشمیر کے علاوہ خطے کے امن کو بھی نقصان پہنچا رہا ہے اور لائن آف
کنٹرول کی مسلسل خلاف ورزی کی جارہی ہے ہم نے بھارت کو بارہا خبردار کیا ہے
کہ وہ کسی بھول میں نہ رہے اور یہ بھی بتا چکے ہیں کہ بھارت پاکستان کی
عسکری طاقت کے بارے میں بھی کسی غلط فہمی میں نہ رہے۔
ترجمان دفترخارجہ کا کہنا تھا کہ پاکستان اور افغانستان دونوں کو دہشت گردی
سے خطرہ ہے،اس لیے بارڈر منیجمنٹ انتہائی ناگزیر ہے اور اس بات کی ضرورت
ہے کہ باہمی روابط سے بارڈر منیجمنٹ کو بہتر بنایا جائے، دونوں ممالک کو
تعلقات کی خرابی کا باعث بننے والے عناصر کا راستہ روکنا ہوگا اور تعلقات
کی خرابی سے فائدہ اٹھانے والوں کو مایوس کرنا ہوگا۔
نفیس زکریا نے کہا کہ قطری وفد کے دورہ پاکستان کے حوالے سے کوئی علم نہیں
تاہم پاکستان کی کوشش ہے کہ موجودہ صورتحال کا بہتر حل نکل آئے پاکستان امت
مسلمہ کے اتحاد پر یقین رکھتا ہے۔
انہوں نے مزید کہا کہ بھارت افغانستان میں ڈبل گیم کررہا ہے اور پاک افغان
تعلقات خراب کرنے میں بھی بھارت ہی ملوث ہے، بھارت پاکستان کے خلاف افغان
سرزمین استعمال کررہا ہے امریکا کے مدر آف بمز حملے میں 13 بھارتیوں کی
ہلاکت اور اس پر بھارت کا در خواست نہ دینا اس بات کا واضح ثبوت ہے۔